تنفيذ العمود الدائري

تنفيذ العمود الدائري ,فورمة العمود الدائري مكونة من جزئين ,تخطيط العمود الدائري ,تقوية العمود الدائري ,استلام نجارة العمود االدائري

انتقل الى صفحة تحميل جميع الكتب في الهندسة المدنية

• نجارة العمود الدائري عبارة عن فرمة دائرية ممكن تكون خشب وممكن تكون معدن لكن في الاغلب خشب ، والفرمة دي
  بتكون عبارة عن نصين مشقوقين بالطول ” أسطوانة مشقوقة “.
• الفرمة بتاعت العمود الدائري مش بتتعمل في الموقع ولها خشب مخصوص عرضه 5سم وممكن يكون الخشب عادي
  عرضه 10سم وعرض اللوح بيرجع لقطر العمود الدائري ، لما قطر العمود بيكون صغير ” اقل من او يساوي 50سم “
  بنستخدم الالواح اللي عرضها 5سم ولو زاد عن كدة ممكن نستخدم اللوح اللي عرضه 10سم عادي.

• ثم كل ما عرض اللوح بيكون اصغير كل ما يديني شكل للعمود اقرب للدائري فبنلاقي ان لو عندي عمود قطره 40سم وعملته
  بالواح عرضها 10سم هلاقي العمود طلع مضلع مش هيكون شكله قريب من الدايرة حتى لكن لو العمود الـ 40سم ده عملته بالواح عرضها 5سم هالقي ان التضليعة مش هتكون ظاهرة اوى في العمود

ثم انتقل الى صفحة اهم الاسئلة الانترفيو للمهندس المدني

فورمة العمود الدائري مكونة من جزئين

الجزء الاول -: التجليد.
الجزء التاني -: حاجة زي حزام للفرمة.

• ثم الجزء التاني من الفرمة ده بنجيب حتة خشب وبتكون مستطيلة ونعمل جواها النص دايرة عشان اعرف احط جواها تجليد
  العمود ، بنرسم للنجار النص دايرة ع الخشبة دي وهو بيقطعها في الورشة.

• ثم نص قطر الدايرة اللي بنرسمها للنجار ع الخشبة بيساوي -: نص قطر العمود + تخانة التجليد ” 2.5سم “.
• الجزء التاني من الفرمة بيكون اما من الكونتر واما من البانوه.
  سؤال مهم / ايه الفرق بين الكونتر والبانوه ؟
• الكونتر -: عبارة عن مجموعة من الالواح الابلكاش متمسرة مع بعضها ” بيكونو فوق بعض زي الطبقات Layers” .
  -البانوه -: عبارة عن لوحين بس من الابلكاش وبينهم ضل الخشب بتاع المصانع
  حشو من سدايب خشب بتكون ف ” حاجة ُ
  كدة زي الساندوتش “.

انتقل الى منهج هندسة اسكندرية قسم مدني

• البانوه عندي منه نوعين ، نوع سيئ ونوع ممتاز ، طيب بعرف منين النوع اللي عندي ده سيئ وال ممتاز ؟
• ثم بعرف من تناسق وانتظامية توزيع السدايب جوة ساندوتش االبلكاش اللي عندي ، لو متوزعة بتناسق وانتظام يبقى البانوه
  ده كويس ولو مش متوزعة بانتظام يبقى البانوه ده سيئ.

تابعنا على التليجرام اضغط هنا

احسن نوعين للخشب البانوه في السوق نشتغل بيهم

• نوع مستورد اسمه في السوق ” المثلث “.
• ثم نوع مصري اسمه ” Wood Good” .
• الخشب الابلكاش والبانوه والكونتر ابعادهم الـ Standard للوح هي 122 x 244 سم والابلكاش بالتحديد في منه الواح
  150 x 150سم.
• ثم تكلفة خشب الفرمة بتكون على المالك علشان كدة ضروري اعرف احسب محتاج خشب قد ايه للفرمة علشان لو هجيب انا
  او هدي للمقاول فلوس وهو يشتري.

انتقل الى الصفحة الرئيسية الخاصة بنا اضغط هنا

تخطيط العمود الدائري

• اول حاجة لازم اعرفها ان اشاير العمود الدائري بتتوقع بكانة دائرية ودي حاجة بديهية.
• في النجارة بنوقع نص الفرمة في الاول باستخدام االكسات وبعد كدة الحداد يشتغل ويخلص حدادة العمود وبنقفل الفرمة
  بالنص التاني بتاعها.
  سؤال مهم / العمود هيتحطط ازاي ؟
• اول طريقة -: هشوف علاقة الاكسات بالعمود ” اكسين ” واياً كانت عالقتهم بالعمود هحركهم من مكانهم هحرك الخيطان
  بحيث اخلي خيط اكس فيهم مماس للنجارة في اتجاه X والخيط التاني مماس للنجارة في Y ثم وبعد كدة اجيب النص فرمة
  واحطها في مكانها بحيث يكون الخيطين في حالة تماس معاها ” يكون الخيط حاضن الفرمة “.
• تاني طريقة -: هشوف في اللوحة برضو عالقة الاكسين بالعمود ولو لقيتهم متقاطعين في مركز العمود يبقى كويس ، لكن
  لو لقيتهم مش متقاطعين في مركز العمود هحركهم بحيث يتقاطعوا في مركز العمود او من غير ما احركهم استنتج منهم مكان
  مركز العمود واروح ارسم دايرة من مركز العمود علشان أوقع عليها النجارة ويفضل ارسم الدايرة أوسع من النجارة بـ 1سم
  او اضيق منها بـ 1سم علشان لو عملتها على قد النجارة بالظبط هلاقي لما احط النجارة هتخفي الدايرة المرسومة خالص ومش
  هعرف اظبط النجارة ع الدايرة بالظبط.
• ثم بعض النجارين بيعملوا الفرمة على أيديهم والكلام ده مش صحيح وبيطلع عمود منبعج وابعاده مش مظبوطة ومش في
  مكانه بالظبط.

للمزيد من المقالات الهندسية انتقل الى صفحة المدونةاضغط هنا

تقوية العمود الدائري

• لازم اقوي العمود الدائري عشان ميفتحش وعلشان اعمل كدة بجيب سلك حديد دائري 8مم بتاع الكانات ولا 6مم والفه
  حوالين نجارة العمود ، مش بنلف السيخ بقوة كبيرة علشان ميضغطش ع النجارة ويبوظلي ابعاد العمود وبنحط تحت الاسياخ
  اللي لفيناها حوالين العمود مسامير تسند الاسياخ علشان الاسياخ متقعش تحت علشان زي ما قولنا مش بنربط الاسياخ بتاعت
  التقوية دي جامد علشان متبوظش النجارة.
• الاسياخ بتاعت التقوية ممكن نسميها ” خالخيل ” وبتكون على مسافات من 40 لـ 50سم وبيكون عندي الجزء التاني من
  الفرمة شغال زي الحزام مع الخالخيل للتقوية وبيحافظ على تدويرة العمود.

للمزيد من المقالات الهندسية انتقل الى صفحة المدونةاضغط هنا