استلام نجارة السقف

وانا طالع استلم نجارة سقف هبص على كذا حاجة :- استلام نجارة السقف
1- اول حاجة هبص عليها هي الكمرات واتأكد من انها بنفس الابعاد الموجودة في اللوحة لان ساعات بيحصل تبديل في
الكمرات ، لو الكمرة في اللوحة 20سم والنجار عملها 10سم لازم افكلها السقف ولو 10سم في اللوحة والنجار عملها 20سم
مش لازم افك السقف ولكن هعمل علبة نجارة تتحط في مكان يخليني اعرف اصب الكمرة الـ 10سم اللي انا عاوزها.
للمزيد من المقالات الهندسية انتقل الى صفحة المدونةاضغط هنا

2 – لازم استلم سقوط الكمرات بالشريط وبخلي النجار يعملي لقطة استلم بيها عروض الكمرات وبقيس عرض الكمرة من فوق
ومن تحت عند القاع لكن ابقى عارف ان عرض الكمرة اللي تحت عند القاع مش بستلمه غير بعد التقوية.

3 – كمر الداير وأي كمر مستمر 3 وال 4 باكيات عشان استلمه بشد عليه خيط عشان ممكن يكون جنب الكمرة العب ومش
مظبوط ومفيهاش أي سماحية ألن لو الكمر باظ هيبوظلي المباني وبنقول بنشد خيط عشان انا لو مشدتش خيط والجنب كان
العب مش هقدر اخد بالي منه بعينيا بمجرد النظر كدة وبرضو مش بشد الخيط ده غير بعد التقوية.

تابعنا على التليجرام اضغط هنا

4 – لازم اتأكد من جودة عبوة النجارة اللي هي عبارة عن تطبيق السقف ونجارة الكمرات واتطمن انهم مش هيتسببولي في ان
الخرسانة اللي هتتصب هيطلع فيها بروزات ونتوءات غير مرغوب فيها عشان محتاجش نحات بعد الصب.
انتقل الى منهج هندسة اسكندرية قسم مدني

5 – ممنوع تماماً يكون عندي كرتون ولا ابلكاش ع السقف من ضمن النجارة لانهم بيلزقوا في الخرسانة ومش بعرف اطلعهم
منها بعد الصب والخشب ده هيمتص مياه لانه شره لامتصاص المياه فهيجيب رطوبة للسقف وهيخلي المحارة بتاعت السقف
تبوظ وكمان حتى لو عرفت اشيل الخشب ده بعد الصب هيسيبلي فراغ مكانه في الخرسانة.

ليه اصلا ممكن الاقي كرتون ولا ابلكاش ع السقف ؟

لان النجار بيحط الابلكاش عشان يداري ويعالج بيه الالواح المكسورة واي عيوب في النجارة وممكن الاقي النجار بيعالج ويداري العيوب دي بالجبس وطبعا برضو مش مقبول لان الجبس شره الامتصاص للمياه وبيضر الحديد وبرضو بيخلي

ثم انتقل الى صفحة اهم الاسئلة الانترفيو للمهندس المدني

6 – ببص كمان اشوف الخشب اللي النجار مستخدمه هل هو كويس ولا خشب مستهلك ومعجز لان الخشب المعجز ده بيسيب ساير منه في الخرسانة وانا بفكه ، والنساير دي بتمتص مياه برضو وبتبوظ المحارة ده غير ان الشدة هتكون ضعيفة في ظل وجود الخشب المعجز ده.

تطبيق السقف بيكون من الـ Plywood ” خشب كونتر 18مم ع خرسانة Fair face شكلها بيكون حلو بعد فك الشدة لكنها بتكون Smooth ” ناعمة فبتخلي موضوع عمل محارة السقف مستحيل تقريبا وعشان اعمل المحارة للخرسانة الـ Face-Fair ببقى عايز انقر السقف عشان المحارة تمسك فيه وان كان حتى بعد التنقير بتكون المحارة صعبة برضو ، لكن الخرسانة الـ Face-Fair بتكون كويسة لو هعمل سقف معلق او هعمل عمود كوبري او هعمل عمود خرسانة
عادي لكن هجلده بخشب يعني الخالصة بعمل خرسانة Face-Fair في العناصر اللي مش همحرها بعد كدة.

ملحوظة مهمة جداً -: لما بطلع فوق السقف لازم اتأكد ان خشب التطبيق مش لازق في بعضه ويكون عندي مسافات حوالي
2مم بين كل لوح ولوح من الواح التطبيق وانزل تحت الشدة واتأكد اني شايف اشعة الشمس معدية من المسافات بين الواح
التطبيق.
سؤال مهم / ليه بعمل كدة ؟

• لاني قبل صب الخرسانة هرش النجارة بالمياه فخشب التطبيق حجمه هيزيد فلو حجمه زاد ومكانش هندي مسافات بين
  الالواح وبعضها الالواح هتزق بعضها وخشب التطبيق هيفك بعد ساعة ولا ساعتين من رش النجارة بالمياه.

انتقل الى صفحة تحميل جميع الكتب في الهندسة المدنية