( كاتب المقال المهندس حازم محمد الطويل ) استلام حدادة الاعمدة , الاشاير والكانات في الاعمدة ,وصلات حديد الاعمدة , تكثيف كانات الاعمدة , انواع البسكوت المستخدمة , تخصير العمدان او تخسيس العمدان او قص العمدان او تقليل قطاعات العمدان ,ملحوظات مهمة في تسليح الاعمدة ,الوصلات الميكانيكية ( Couplers ) وهل بيستخدم في كل الاقطار (شرح بالتفصيل ) ,حدادة الاعمدة بالتفصيل ,طرق حماية الاشاير , صدا الحديد والصدا المحبب
لتحميل الكتب الهندسية انتقل الى المكتبة الهندسية الشاملة الخاصة بنا اضغط هنا
الاشاير والكانات -: كل إشارة طالعة بيركب جنبها سيخ والكانات بتتركب من تحت لفوق بمعنى اني الاول بركبهم في الاشاير ” بدككهم ” وبنجيب الاسياخ اللي هتتوصل مع الاشاير نحطها جوة الكانات.
لازم اخد بالي ان قطر السيخ اللي راكب هو قطر سيخ الاشارة مش اقل منه عشان ممكن الحداد يحط سيخين ولا تلاتة اقل
في القطر وانا مش واخد بالي.
سؤال مهم / وضعية السيخ الجديد مع سيخ الاشارة بتبقى ازاي ؟
- السيخ الجديد بيتحط جنب الاشارة واخد بالي لو الاشاير كانت اتحركت من مكانها يبقى اظبط مكان الاسياخ الحديدة صح
ومنلزقهاش جنب الاشارة ومعنى كدة اننا هنالقي تباعد بين الاشاير والاسياخ الجديدة ومش مسموح بتباعد اكتر من 15سم
استلام حدادة الاعمدة
للمزيد من المقالات الهندسية انتقل الى صفحة المدونة اضغط هنا
- اثناء استلام حدادة الاعمدة لازم اراجع الصندوق بتاع العمود كنوع من التأكيد.
- اتأكد ان الحديد اللي راكب هو نفس الحديد الموجود في اللوحة يعني له نفس القطر والعدد واكون عارف اني لو شغال
بحديد قطر معين ينفع استخدم معاه حديد اقل منه درجة واحدة او حديد اعلى منه درجة واحدة. - في اسياخ الـ Corners والاعمدة الدائرية مش هعرف احط الاشاير الجديدة مع القديمة بحيث يكون السيخ جنب السيخ
فبنحط السيخ الجديد من جوة ونعمل موضوع التكريب. - بنراجع ميقاس الكانات وتقسيطها واشوف الكانات علاقتها ايه بنجارة العمود عشان اشوف الـ Cover متحقق ولا لا لان Cover بيكون مهم جدا في بعض
المنشآت بيتحسب من الكانة ً الـ Cover في بعض وبيشارك في مقاومة الخرسانة للحريق والـ
للنجارة وبنراجع عدد افرع الكانات ونشوفها اوتوماتيك ولا لا ولازم اراجع تربيط الكانات واخد بالي ان الكانات كلها بتكون
متربطة وكل كانة بتكون متربطة عند نقط تقاطعها مع الاسياخ الرأسية ومش بنربط واحدة ونسيب واحدة زي ما عملنا في
القواعد والكانات اللي ورا بتتربط قبل الكانات اللي قدام.
حدادة الاعمدة بالتفصيل
ملحوظة -: لو انا مهندس مقاول براجع ميقاسات الكانات اول بأول مع الحداد اثناء ما هو شغال فيهم بدل ما استنى يخلص
الكانات كلها واجي اروح اراجع ميقاساتهم االقي فيها غلطات.
- الحداد وهو شغال في تقطيع حديد العمود هيسألني يقطع حديد عمود الدور الارضي كام متر لكن في المتكرر مش هيسألني لان هو بيكون حافظ انه هيقطعه 4م.
- علشان اعرف الحداد جاب منين الـ 4م بتاعت حديد عمود المتكرر لازم ابقى عارف ان الارتفاع الصافي للادوار المتكررة
في المباني السكنية بيكون 2.80م خرسانة خرسانة وبيكون 2.70م بعد ما بنعمل التشطيب ، الـ 2.80م دول بنزود عليهم
20سم تخانة بالطة ونجمع عليهم 1م طول اإلشارة يطلع الرقم 4م. - علشان احسب قطعية سيخ الحديد بتاع عمود الدور الارضي هعمل حسبة صغيرة -:
- هشوف المسافة بين الصفر المعماري وضهر خرسانة القواعد المسلحة قد ايه واجمع عليها المسافة بين الصفر المعماري
ومنسوب ضهر خرسانة سقف الدور الارضي واجمع عليهم طول الاشارة ( Ф65 او 1م ) - لو عندي رقبة عمود هرسم برضو الكروكي وهيكون سهل اني احسب منه أي طول انا عايزه ، بس لازم افتكر ان رقبة
العمود بتقف عند منسوب ضهر خرسانة أرضية الدور الارضي. - الـ Cover لرقبة العمود بيكون 5سم وعلشان احققه اما هكرب السيخ بتاع إشارة الحديد اللي طالعة من رقبة العمود لبرة
2.5سم عشان اقلل Cover العمود اللي هيتصب فوق الرقبة يا اما هصب رقبة العمود ابعادها اكبر من ابعاد العمود بـ 5سم.
- من الكلام اللي فات ده نستنتج اني لما بصب عمود دور ارضي ممكن اصبه على مرة واحدة وممكن اصبه على مرتين لو
هصب لحد الرقبة وبعد كدة اصب من عند الرقبة لحد السقف والصب على مرتين افضل النه هيخليني اصب العمود مستريح “
مش هصب ارتفاع كبير على مرة واحدة ” وكمان هيخليني اعرف احقق Cover الرقبة الـ 5سم على عكس الصب على مرة
واحدة ولكن الاغلبية والشائع ان العمود بيتصب كله مرة واحدة.
وصلات حديد الاعمدة
- معظم الناس فاكرة ان الزم اإلشارة الجديدة وهي بتتركب مع اإلشارة القديمة تكون قاعدة على خرسانة السقف وال القاعدة
والكالم ده مش مظبوط ، لان الكود سامحلي اني اعمل وصالت االعمدة في منتصف االرتفاع الحر للعمود ويفضل ان
الوصالت تكون تبادلية بمعنى ان مش كلها تكون في نفس القطاع. - الاااااااااااازم قبل ما انفذ وصلات العمود اسأل الاستشاري عايز مكان الوصالت فين علشان ميحصلش مشاكل.
سؤال مهم / ازاي هستفيد من نص الكود اللي مسموحلي فيه اعمل وصالت حديد العمود في منتصف ارتفاعه الحر ؟
- لو عندي حسبت اطوال اسياخ حديد أعمدة الدور الارضي وطلعت 5م معنى كدة ان السيخ الواحد هيعمل حتتين وهيتبقى
فأنا بدل ما هقطع الحديد 5م هقطعه 6م وبدل ما كنت هعمل ُضلة
من كل سيخ ف 2م وطبعاً ده تهدير وخسارة كبيرة جداً
الوصلة في التلت األول من العمود والحديد بتاع الاشاير يكون قاعد على خرسانة السقف هعمل الوصلة قريبة من نص
الارتفاع ويصبح ان الوصلة هتكون فيها الاشاير الجديدة مش قاعدة على خرسانة السقف وهتكون اعلى من خرسانة السقف بـ .5 مثلا
تكثيف الكانات
تــكــثـيــف الــكــانــات -:
في اللوحة 5Ф/8م ولكن بيكون عندي أماكن الزم اكثف فيها الكانات بحيث تبقى 8Ф/8م
كانات العمود بتيجي مثلا
وساعات 10Ф/8م.
سؤال مهم / أماكن التكثيف بتكون فين ؟؟
التكثيف بيكون في 3 مناطق -:
-1 منطقة التقاء العمود مع الكمرة ” وكانات العمود هي اللي بتكمل “.
-2 كانات العمود بتتكثف فوق وتحت منطقة التقاء العمود مع الكمرة بمسافة Lo حيث Lo هي األكبر من الـ 3 قيم التالية -:
50سم.
البعد الكبير للعمود
سدس الارتفاع الحر للعمود.
وغالباً بيحكمني البعد الكبير للعمود وبيكون في الغالب رقم كبير فبناخد Lo = 1م في المتوسط.
-3 كانات الكمرات بتتكثف يمين وشمال منطقة التقاء العمود مع الكمرة بمسافات d2 حيث d هو عمق الكمرة.
ملحوظات في تسليح الاعمدة
يجري اختبار شد واحد ع الاقل لكل مجموعة من الاسياخ تزن 10 طن او اقل وفي حالة تعدد ميقاسات مقاطع االسياخ في
المجموعة يجري اختبار شد واحد ع الاقل لكل ميقاس منها.
لما بنقول على سيخ ان قطره 16مم بيبقى قصدنا 16مم من غير البروزات او النتوءات اللي حوالين السيخ يعني ممكن
والكلام ده ضروري لازم اعرفه وخصوصاً السيخ يوصل لـ 19مم بالنتوءات في عملية التزريع.
الـــبــســكــوت -: هو الوسيلة اللي بنحافظ بيها ع الـ Cover الخرساني وبيتحط على مسافات من 1م لـ 2م.
انتقل الى الصفحة الرئيسية الخاصة بنا اضغط هنا
انواع البسكوت
نــوعــي الــبــســكــوت -:
-1 بسكوت حامل للحديد.
2 بسكوت اجناب ” لجنب العمود ، جنب القاعدة وجنب الكمرة “
- وقد يكون البسكوت بلاستيك وممكن يكون اسمنتي بعمله عندي في الموقع واستخدمه وساعات لو عندي بلاط متكسر
بستخدمه وساعات اشتري بلاط ” رخيص ” واكسره واستخدمه كأنه بسكوت.
- البسكوت البلاستيك بتاع الاجناب الفتحة بتاعته مينفعش تكون لفوق ولا لناحية النجارة ولكن وضعها المثالي بتكون لاسفل
وممكن لو لقيتها جوة العمود مفيش مشكلة.
ملحوظات بخصوص حديد التسليح
- غير مسموح بلحام اسياخ تسليح العمود عشان خواصه متتغيرش لكن مسموح بعمل الوصلات الميكانيكية “
Couplers ” والـ Coupler ده عبارة عن حديد خواصه اعلى من خواص حديد التسليح وبيتقلوظ من الناحيتين ” نتاية “
وبنقلوظ السيخين اللي هنوصلهم عن طريق الـ Coupler ” دكر ” ونركب الاسياخ في الـ Coupler دكر في نتاية.
- علشان اعمل القلوظة يبقى قطر السيخ هيقل وده مش مسموح بيه علشان كدة الوصلات الميكانيكية ” Couplers ” بيتم
عملها في الورشة او في مصنع عشان بنعمل كبس في السيخ ” بنبططه ” بحيث قطره يزيد الاول وبعد كدة نعمل القلوظة
عشان نضمن ان بعد عمل الوصلة يكون القطر محصلش فيه نقصان والـ Couplers اللي بتتعمل في الموقع مش بيكون
فيها كبس فبيحصل نقصان في قطر السيخ بعد القلوظة. - بنعمل اختبار لسيخين حديد متوصلين بـ Coupler والهدف من الاختبار ده هو اختبار الوصلة والتأكد من قوتها معنى
كدة اني لما اعمل الاختبار الاقي الانهيار حصل في الحديد نفسه ومحصلش أي مشاكل في الوصلة عشان اتأكد من سلامة وقوة
الـ Coupler.
الخلاصة -: بعمل الاختبار ولازم الانهيار يحصل في السخ والسيخ يتقطع والوصلة تفضل سليمة ولو لقيت ان السيخ متقطعش
والانهيار حصل في الوصلة نفسها يبقى عندي مشكلة في الـ Coupler دي.
سؤال مهم / هل الـ Coupler بيشتغل في كل الاقطار ؟
- الكود بيقول ان لا يسمح بعمل وصلات التراكب في الاسياخ التي يزيد قطرها عن 28مم ويتم عمل الوصلات اما باللحام او
بالوصلات الميكانيكية ” Couplers” . - ولكن الـ Coupler اقدر استخدمه مع أي قطر ولكن لازم ابقى عارف ان الـ Coupler بيكون حل غير اقتصادي مع
الاقطار الصغيرة وعشان استخدمه لازم اعمل حسبة صغيرة اشوف بيها وصلة التراكب ارخص وال الـ Coupler لكن
احيانا Couplers مع الاقطار الصغيرة حتى لو الموضوع غير اقتصادي وده في حالة كثافة ً ظروف الشغل تجبرني استخدم
لو بعمل كمرة طويلة مثلا 12م وطول الاسياخ مش هيكفي ومحتاج أوصل في الاسياخ العالية وكمان مثلا طولها اكبر من
منطقة شد ” Splice ” فبنضطر نستخدم الـ Coupler. - احياناً عنصر معين مش بكون عايز اطلع الاشاير منه دلوقتي علشان متضايقنيش فبنعمل ايه ؟ ، بنخرج من الاشارة طول بحيث نركب فيه
صغير جدا Coupler ووقت ما نحب نكمل الاشاير نربطها في الـ Couplers وكدة أكون طلعت الاشاير ً
في الوقت اللي انا عايزه والكلام ده غالباً بنعمله في السلالم الكابولية. - لما بنخلص انشاء مبنى معين ومتأكد اني مش هزود أدوار تانية فبنموت اشاير العمود عند سقف اخر دور ” عند شبكة
الحديد العلوية بتاعت السقف ده ” ومش بنسيبها تطلع وتظهر وبعد كدة نقطعها علشان لو طلعتها وبعد كدة قطعتها بالصاروخ مش هيكون فوق الاشارة Cover.
- طيب لو قرار انهاء المبنى مش اكيد ومش عارف هزود أدوار تاني ولا لا معنى كدة اني هطلع اشاير للعمود فوق اخر
سقف والاشاير دي لو سيبتها مكشوفة هتصدي معنى كدة اني لازم احميها.
طرق حماية الاشاير
طــرق حــمــايــة الاشــايــر -:
-1 الكراسي الخرسانة -: بصب خرسانة حوالين الاشاير حاجة كدة زي رقبة العمود ارتفاعها اعلى من الاشاير بـ 10سم
بحيث يغطيها ويعمل سطح الكرسي ده مايل شوية من فوق علشان الامطار.
2 هجيب خرطوم مياه طري والبسه في السيخ ويكون اعلى من السيخ من فوق 20سم اتنيهم واربط بحبل ، لكن كدة انا
عملت حماية للحديد من فوق لكن طرف الخرطوم من تحت مش هيكون في امان فبنحوطه باسمنت من الاسفل علشان المياه.
-3 بنحوط الاشاير بمباني طوب وامحر الطوب ده من برة واصب جواه خرسانة.
-4 ممكن نعزل الحديد بدهانات ايبوكسية لكن الموضوع مش عملي وهلاقي بعد سنتين ولا تلاتة الحديد حصل فيه صدأ.
صدا الحديد والصدا المحبب
صــدأ الــحــديــد والــصــدأ الــمــحــبــب -:
- ساعات الحديد بيكون مصدي وساعات لونه بيكون احمر ولكنه مش مصدي ” صدأ محبب ” ، طالما النتوءات لسة
موجودة يبقى الحديد مش مصدي وبيكون ده مجرد ان الحديد لونه محمر وخالص والموضوع ده بنعالجه بالرمالة او
بالفرشاة السلك والفرشاة السلك دي اما بنستخدمها يدوي يا اما بنحطها على صاروخ عشان تكون اسرع ، لكن اخد بالي ان
الرمالة لما بنستخدمها بتاكل من قطر السخ الحديد فلو شغال على حديد 16Ф بالرمالة هعتبره بعد عمل التنظيف انه بقى
14Ф وهكذا.
ملحوظة -: غير مسموح اثناء صب السقف – وعندي اشاير العمود – ان زبد الاسمنت يطرطش ع الاشاير عشان لما هاجي
اصب خرسانة العمود بعد كدة والزبد ده موجود بيعمل حاجة زي قشرة بتفصل بين الخرسانة بتاعت العمود وبين الحديد
وبتضعف التماسك بينهم.
- لو اشاير العمود اتقطعت عندي حالتين -:
-1 السقف كان اتصب فوق العمود -: هنا معنديش حل غير اني ازرع اشاير.
-2 السقف مكانش لسة اتصب -: ممكن هنا ازرع ولكن الافضل اكسر في العمود واحط الاسياخ اللي عايز احطها واصب
العمود تاني ” الجزء اللي كسرته من العمود “.
تخصير العمدان او تخسيس العمدان او قص العمدان او تقليل قطاعات العمدان
- بنقلل ابعاد العمود من العرض ومن الطول لكن بنبدأ بتقليل العروض الاول عشان العمود يمشي مع الحيطة من غير ما
يعمل ركبة ” معمارياً افضل ” وبعد كدة نبتدي نقلل الاطوال ، وفي بعض الحالات بيكون مش مسموحلي اقلل قطاعات العمدان
” في العرض ” عن قيم معينة زي في الفلات سالب عندي شرط ان الاعمدة مينفعش عرضها يكون اقل من 30سم والسوليد
مينفعش العرض يقل عن 20سم وساعات في المباني اللي بتكون الاعمدة داخلة في النظام الانشائي المقاوم للزالزل بيكون
الكود شارط انها عرضها ميقلش عن 30سم عشان يحقق حاجة اسمها الممطولية ” Ductility” .
مدونة HM للمقالات الهندسية
