- عندي اسلوبين لمعالجة الخرسانة : – نص الكود بخصوص المعالجة ,معالجة الخرسانة “Curing”
- اول أسلوب -: اني ادي للخرسانة مياه بعد فك النجارة ” ارشها مياه “.
- تاني أسلوب -: اني بدل ما ارش الخرسانة احافظ على المياه اللي في الخلطة بتاعت الخرسانة وامنعها من انها تخرج برة الخرسانة بعد فك النجارة.
للمزيد من المقالات الهندسية انتقل الى صفحة المدونةاضغط هنا
ليه بنعمل معالجة للخرسانة؟
علشان نضمن التفاعل التام بين الاسمنت والمياه ” تفاعل الاماهة ” لان لو تفاعل الاماهة ده متمش بالكامل هلاقي ان الخرسانة الناتجة ضعيفة لان الاسمنت اللي مش بيحصله اماهة بيكون كأنه مش موجود في الخلطة وده معناه ان كان المحتوى الاسمنت للخلطة اصبح اقل من المطلوب واحنا عارفين ان نقص محتوى الاسمنت بيقلل مقاومة الخرسانة.
نص الكود بخصوص المعالجة
للمزيد من المقالات الهندسية انتقل الى صفحة المدونةاضغط هنا
- يلزم معالجة الخرسانة بحيث تكون في حالة رطبة تماماً ابتدائاً من تصلد السطح ” بعد 24 ساعة ” لمدة لا تقل عن 7 أيام
في حالة استخدام اسمنت بورتلاندي عادي ولا تقل عن 4 أيام في حالة استخدام اسمنت بورتلاندي سريع التصلد.
ملحوظة -: كمية المياه بتاعت المعالجة والفترة الزمنية بين كل مرة برش فيها بتعتمد على ظروف الجو سواء كان حار وال
بارد. - لو هستخدم الاسلوب الاول للمعالجة يعني هرش الخرسانة بالمياه هحط شوال خيش يحافظلي على المياه اللي انا صبيتها.
- لو هستخدم الاسلوب التاني للمعالجة يعني مش هرش الخرسانة بالمياه هنحط مشمع حوالين العمود ” بنكفن بيه العمود “
بحيث يحافظلي على مياه الخلط او دلوقتي كيماويات البناء الحديث عاملين رش من مادة معينة شمعية بتسد مسامات الخرسانة
ومبتخليش مياه الخلطة تخرج.
هل بعد ما صبيت الاعمدة وفات 24 ساعة وفكيت النجارة ينفع اعمل السقف ؟
ايوة ينفع اعمل السقف لاني اولا بعد ما هفك النجارة هاجي علشان اعمل السقف هاخد وقت لحد ما اخلص نجارة وحدادة
السقف فلما هاجي اصب خرسانة السقف هيكون العمود خالص اكتسب مقاومته واصبح يقدر يشيل الاحمال بتاعت السقف.
سؤال مهم / طيب على فرض كنت شغال بسرعة وخلصت نجارة وحدادة السقف بسرعة هل ينفع اصب السقف برضو ؟
- ايوة ينفع لان اصلا حمل السقف متشال على عروق خشب والجزء من احمال السقف اللي هيوصل للعمود هيكون صغير جداً مش هيعملي مشكلة.
انتقل الى منهج هندسة اسكندرية قسم مدني