كل مايخص الزراجين بانواعها واستخداماتها وكيفية التنفيذ مع التوضيح بالصور ,عندنا 3 انواع من الزراجين:- 1- الزرجينة البلدي ,2- الزرجينة الجاكات ” الافرنجي ” ,3- الزرجينة المائية
1- الزرجينة البلدي
- عبارة عن سيخ حديد بقطر 8 مم ” سيخ واحد بطول معين ” بنتنيه نصين بحيث يكون عندي طرف رقم (1) مجوز و
طرفين حرين ، بنحط الساري في مكانه و نجيب الزرجينة و نحط الطرف المجوز رقم (1) حولين الساري و نعدي الطرفين
الحرين من الفراغات الموجودة بين الواح النجارة لحد ما يوصلوا للساري المقابل الي موجود عند الجنب التاني و نقوم
رابطين الطرفين الحرين حوالين الساري المقابل ده رباط كويس جدا عشان ما يفكش ، و يفضل اني احط الزرجينة عند
تقاطع الساري مع الشينيش.
- عندنا مشكلة في استخدام الزراجين من حديد بقطر 8 مم و هي انها بتعمل فراغات بين الواح النجارة والفراغات دي بتسمح
لزبد الخرسانة انه يهرب منها اثناء الصب فلقينا ان مؤخرا الناس بقت تستخدم زراجين من حديد بقطر 6 مم بدل قطر 8 مم
و ناس تانية بتستخدم حديد بقطر 3 مم ” سلك ” و بيستخدموه مجوز عشان يبقا قوي شوية ، و ده بيعمل بيعمل فراغات
صغيرة جدا بين الواح النجارة مقارنة بحديد بقطر 6 و 8 مم.
- بعد ما بنصب الخرسانة بنالقي الزراجين بارز جزء منها برة الخرسانة و ده ممكن يعمل صدأ للحديد بتاع العمود ع المدى
البعيد عشان كده بنقص الاجزاء البارزة من الزراجين و مش بنسيبها كده.
- الزرجينة البلدي حصل فيها تطوير بسيط بحيث لو مش عايز اقص الاجزاء البارزة من الزراجين من الخرسانة لو شغال
شغل نضيف شوية هعمل حركة تخليني اشيل حديد الزرجينة بالكامل من الخرسانة بعد صب العمود بدل ما كنت بقص االجزاء
البارزة و بيتبقالي اجزاء مش عارف اشيلها ، هنعمل كده ازاي ؟
كل مايخص الزراجين بانواعها
- بنجيب ماسورة كهربا ناشفة مش ماسورة طرية و بنحط سلك الزرجينة جوه الماسورة و الماسورة جوه العمود و بعد كده
هصب خرسانة العمود و افك النجارة هالقي اني اقدر اسحب الزرجينة بالكامل بكل سهولة من خلال الماسورة الي حطيتها و
الماسورة بتتساب جوه العمود مش بتعملي مشكلة و الثقب الي موجود بسبب الماسورة مش بيعمل لي مشكلة و بيتدارى في
المحارة ، لكن لو بعمل منشأ مائي زي خزان مثال - يبقا اكيد الثقب ده هيعمل لي مشكلة ، عشان كده التطوير بتاع الزرجينة
البلدي مش بينفعني خالص في المنشآت المائية ، لكن الزرجينة البلدي العادية الي من غير ماسورة ممكن استخدمها في
المنشآت المائية و لكن ببعض الحذر و االحتياط.
- في الزرجينة البلدي المتطورة بيكون طول الماسورة قد عرض العمود بالظبط و عشان كده ممكن و انا بصب الاقي زبد
الخرسانة دخل منه شوية جوه الماسورة ، طيب السؤال هنا هل لما الزبد يدخل جوه الخرسانة هعرف اسحب الزرجينة من
جوه الماسورة ولا لا ؟؟
- المفروض لما زبد الخرسانة يدخل جوه الماسورة و الخرسانة تشك يبقا مش هعرف اسحب الزرجينة من الماسورة و
عشان كده لازم ابقا عارف ان التوقيت الي بسحب فيه الزرجينة - هو بعد فك النجارة مباشرة ” بعد 24 ساعة من صب العمود
” عشان الخرسانة بتكون لسه خضرا و هقدر اسحب الزرجينة بسهولة.
2- الزرجينة الجاكات ” الافرنجي “
- عبارة عن سيخ حديد بقطر 16 مم السيخ ده بيكون متقلوظ من نهايتيه
- و كل نهاية فيها صامولة و الصامولة دي جنبها
وردة كبيرة عشان تزنق ع السواري بمسطح أكبر ، و عشان الوردة مساحتها كبيرة فبنالقي اننا في النوع ده من الزراجين
بنحط بدل الساري الواحد عدد 2 ساري جنب بعض عشان الوردة تعرف تقفل عليهم.
- الزرجينة دي بيكون لها جراب ” ماسورة ”
- و لكن طول الجراب هنا اكبر من عرض العمود و بيمتد بحيث يخرج من الواح
النجارة ” و ده معناه اني بخرم للجراب في الواح النجارة عشان اعديه منها ” و دي حاجة مش كويسة للنجار ألني ببوظ له
الخشب و بخرم له فيه و عشان كدة النجار عشان يعمل كده هيكلفني فلوس زيادة شوية لكن الموضوع ده كويس بالنسبالي ألن
طالما طول الجراب اكبر من عرض العمود يبقا مستحيل زبد الخرسانة هيدخل جوه الجراب و ده معناه اني هقدر اسحب سيخ
الزرجينة من الجراب في اي وقت و مش مرتبط بوقت معين زي ما كان الحال في الزرجينة البلدي ام ماسورة.
الجراب بتاع الزرجينة هنا بيكون عبارة عن ماسورة قوية ” ماسورة سباكة ” عشان متتعوجش اثناء الصب.
3- الزرجينة المائية
- لو استخدمت اي نوع من انواع الزراجين الي فاتت مع اي منشأ مائي زي الخزان مثال .هلاقي ان حيطة الخزان هتعدي مياه
لان الحيطة بتاعة الخزان بتتقوى بزراجين زيها زي اجناب الاعمدة الكبيرة عشان كده الزرجينة الجاكات اتطورت بحيث في
نص العمود بيكون عندي قلب الومونيوم. ” مضاد للصدأ ” له بوز يمين و بوز شمال و البوزين دول متقلوظين نتاية بيركب في
كل بوز فيهم سيخ حديد متقلوظ دكر و في نهاية كل سيخ منهم وردة و صامولة. زي الزرجينة الجاكات ، و الاسياخ المتقلوظة
دي بيكون لها جراب فبنعرف نطلع الاسياخ دي من الجرابات بعد الصب زي الزرجينة الجاكات بالظبط ، و القلب الالومونيوم
بيفضل موجود عشان يمنع مرور المياه.
انتقل الى صفحة تحميل جميع الكتب في الهندسة المدنية
ثم انتقل الى صفحة اهم الاسئلة الانترفيو للمهندس المدني
انتقل الى منهج هندسة اسكندرية قسم مدني
انتقل الى الصفحة الرئيسية الخاصة بنا اضغط هنا
للمزيد من المقالات الهندسية انتقل الى صفحة المدونةاضغط هنا