الكمرة المدفونة (Hidden Beam) , فكرتها ,تسليحها , تصميمها , تصميمها على البرامج

فكرتها :

الكمرة المدفونة هي كمرة بتتعمل في الFlat Slab و ال Hollow Block . وايضا في السوليد سلاب اذا اردنا الحفظ عل سثق معماري . و اسمها مدفونة لان هي بتكون كمرة ارتفاعها نفس ارتفاع البلاطة و عرضها بيكون كبير نسبيا بيتراوح من 80 CM الي 2 M
بيتم عملها بدلا من الكمر العادي في حالة وجود رفض معماري لعمل سقوط كمر . الكمرة المدفونة بتحسن كتير من Deflection البلاطة و بتستخدم بكثرة في الهولوبلوك بالذات. لتقسيم مساحة كبيرة لبلاطات أصغر مناسبة دون عمل سقوط .
الكمرة المدفونة (Hidden Beam) , فكرتها ,تسليحها , تصميمها , تصميمها على البرامج

تسليحها :

بيكون زي الكمرة العادية كانات مغلقة تحيط بالقطاع . في حين تسليحها الطولي بيكون ضخم و ده بسبب كونها ذات ارتفاع قليل و بالتالي ممكن يكون فيها 10 اسياخ قطر 22 سم و اكثر كمان عادي .
للمزيد من المواضيع المشابهة اضغط هنا

تصميمها :

1 عند عمل Manual Loading كما في الكلية فالكمرة دي بتشيل نفس حمل اي كمرة اخري عادية و الي بيكون جزء من البلاطة . و بالتالي العزوم عليها بتكون تقيلة و تسليحها تقيل و بتكون مشكلتها اكبر في ال Deflection بتاعها ساعتها . و بما ان ال Manual loading مش صح و لا ينصح باستخدامه في المشروع فده هتعمله لو اخدتها في مادة الخرسانة في الكلية لاقدر الله .
2 عند عمل Finite Element Loading باستخدام اي برنامج . الكمرة دي بتكون مشكلتها ان البرامج دي مش بتكون فاهمه تسليح للكمرة و بالتالي هي بالنسبة للبرنامج قطاع خرساني ارتفاعه نفس البلاطة و بالتالي بتكون ضعيفة جدا جدا و مش هيطلع عليها اي عزوم و مش بتمسك السقف زي مانت عايز .

كيفية تصميمها على البرامج

✊1 تعديل قيمة الI33 للكمرة بقيمة مناسبة تتراوح من 4-6 مما يقويها و يكافئ تأثير تسليحها الثقيل الي بيكون فيها فعلياوالي من البديهي انه ليه تأثير كبير علي ال Inertia بتاعت الكمرة .
✊2 الأصح من السابق و هي الطريقه المفضلة فرض تسليح لها و حساب اقصي عزم تتحمله و مراعاة ال C للقطاع و كذلك ال As max ثم تغيير ال I33 بحيث يعطي العزم المطلوب او اقل منه بقليل بالتجربة و النعديل .

✊3 ادخال تسليح الكمرة الفعلي للبرنامج و هو امكانية متاحة في ال SAP , ETABS , SAFE منذ سنوات عديدة وللأسف لا يستخدمها كثير من المصممين المصريين برغم دقتها الشديدة . حيث يقوم البرنامج بحساب ال Inertia الفعلية نتيجة التسليح لكل عنصر و يعطي نتائج ممتازة . ولكن ادخال التسليح في ال CSI Software عقيم قليلا
💫3عند ادخال كمرة مدفونة يراعي انها اذا وقعت بالكامل في Flat Slab يتم الغاء وزنها من ال Set modifiers للكمرة حتي لا يقوم البرنامج بحساب وزنها مرتين . بينما اذا وقعت في ال Hollow block يتم ترك وزنها كما هو . و اذا كانت فاصلة بين ال FlatSlab و ال Hollow Block يفضل ضرب وزنها x0.5 وذلك لان نصفها فقط هو المراد ان يشعر به البرنامج وهة الموجود في ال Hollow Block

ملاحظات

💫1الكمرة المدفونة تظهر في الرسم بخطوط داش و ذلك لانها تكون غير مرئية عند النظر من اسفل
💫2 احيانا نتحايل من اجل زيادة ارتفاعها لان كل 5 سم بتفرق بشكل كبير . فبنطلع بضهر الكمرة 5 سم فوق منسوب الدور ليتساوي ظهرها مع منسوب الرمل او طبقات التشطيب الاولي . ثم يتم عمل باقي التشطيب علي سطحها بشكل طبيعي

💫3احيانا ايضا يتم عمل سقوط يتراوح من 15 الي 20 سم يغطيه السقف الساقط في حالة وجوده . مما يقلل من عرضها كثيرا و يحسن من تحملها و يخفف تسليحها . و في هذه الحالة تظهر خطوط Solid لانها ساقطة .
💫4لطلبة المشاريع ينبغي اخذ قطاع في الكمر المدفون لتوضيح تسليحه و شكل سقوطة .