امتي نفرد سيخ الحديد بطولة 12 م في البلاطات المصمتة

امتي نفرد سيخ الحديد بطولة 12 م في البلاطات المصمتة
إذا تحقق الخمس شروط التالية , في اخر المقال تحميل كتاب انواع حديد التسليح بالشرح الكامل.

الشرط الأول :-

أن لا يكون هناك إختلاف فى سمك البلاطات
لو عندنا بلاطات سمكها مختلف بلاطة 12 و بلاطة 14 مينفعش أجيب سيخ واحد يمر بالسمكين المختلفين فعلشان كدة لازم أقطع السيخ لكل باكية

لقراءة المزيد من المواضيع المشابهة اضغط هنا

الشرط الثانى

أن لا يكون هناك إختلاف فى مستوى البلاطات
زى مثلا بلاطة الحمام بيتم تهبيطها 10 سم لأسفل علشان البيبة و مواسير الصرف دلوقتى أنا مينفعش أجيب سيخ واحد يمر ببلاطتين فى مستوين مختلفين و لو عملنا كدة السيخ هيطلع فى الهواء علشان كدة لازم أقطع السيخ لكل باكية

الشرط الثالث

أن لا يكون هناك إختلاف فى عدد أو قطر التسليح بين البلاطات
طبعا لو عندى باكية 6 فاى 10 و بلاطة 5 فاى 12 مينفعش أمد الأسياخ و لازم كل باكية يكون تسليحها لوحده
ملحوظة : ممكن أمد السيخ لو كانت الباكية تسليحها نفس القطر و ضعف العدد يعنى باكية 5 فاى 10 و الباكية اللى جنبها 10 فاى 10 ساعتها ينفع أجيب سيخ بطوله يعدى الباكيتين على مسافى 20 سم ( اللى هى 5 فاى 10 ) و فى الباكية اللى تسليحها 10 فاى 10 يتم إضافى سيخ بين سيخين لتصبح المسافة 10 سم

الشرط الرابع

أن لا يحدث إختلاف بين إتجاه الفرش و الغطاء
فى الباكية الأولى الفرش ( الحديد الرئيسى ) فى إتجاه X
ثم فوقه الغطاء ( الحديد الثانوى )
فى الباكية الوسطى الفرش فى إتجاه Y
علشان كدة إحنا لو مدينا السيخ فى الباكية الوسطى يبقى إحنا كدة خلفنا الفرش و الغطاء و ده مش صح تصميميا

الشرط الخامس

أن لا تكون الوصلة فى منطقة تركز إجهادات
دلوقتى لو كل الشروط اللى فاتت تحققت و جبت سيخ بطوله (12 متر) لقيته ينتهى فى نصف البحر معنى كدة إنى هعمل وصلة فى نصف البحر ثم هعمل وصلة فى منطقة شد
و ده لا يفضل على الإطلاق
و يفضل عمل الوصلات فى أماكن الضغط و إنعدام المومنت

علشان كدة فى أغلب الأحوال بيتم تفريد البلاطات
ال Solid Slab كل باكية بباكيتها
( تقطيع السيخ لكل باكية )

تحميل كتاب انواع حديد التسليح بالشرح الكامل اضغط هنا