هل ممكن المقاول يسرقني وانا بصب بخلاطة نحلة ؟ وازاى ميحصلش كده؟
طبعا ممكن لو معندهوش ضمير لانة هيحط نسب أقل من الي مفروض تتحط و الي أنت معيرها .
كيف أعاير ١ متر مكعب خرسانة ؟
١ متر مكعب خرسانة بياخد :-
١- ٠.٨ متر مكعب سن .
٢- ٠.٤ متر مكعب رمل .
٣- ٧ شكاير أسمنت (٣٥٠ كجم أسمنت) .
٤- ١٧٥ لتر مياة .
هل ممكن المقاول يسرقني وانا بصب بخلاطة نحلة ؟ وازاى ميحصلش كده؟
ملحوظة :-
١-لو ذودت شكارة أسمنت يبقا هذود ٢٥ لتر مياه يعني لو استخدمت ٨ شكاير يبقا قصادهم ٢٠٠ لتر مياه ( ١شيكارة أسمنت = ٢٥ لتر مياة ) .
٢- النسب دي بتديني اجهاد خرسانة من ٢٥٠ ل ٣٠٠ كجم/سم٢ ومنتعشمش أنها ممكن تديني أجهاد اكبر من كده ب أي طريقة كانت .
طب ازاي أعاير الخرسانة المستخدمة في القلبة الواحد بالنحلة وماهي انتاجية القلبة الواحدة؟
لمزيد من المعلومات المشابهة اضغط هنا
مبدئيا كده لازم تعرف ان القلبة الواحد في النحلة بتنتج سبع (٧/١ )متر مكعب خرسانة
يعني كل المكونات الي فوق دي أقسمها علي ٧
ثم يعني في القلبة الواحده هحتاج شيكارة أسمنت واحدة ودي مش محتاجه معايرة
و ثم ٢٥ لتر مياه ودي هعيرها بجركن مياه سعته ٢٥ لتر
طب بنسبه للرمل ؟
ده هعايرة عن طريق صندوق المعايرة
و ده صندوق بيتعمل من الخشب طولة ١ متر و عرضة ١ متر و أرتفاعه ٠.٤ متر
المفروض هملي الصندوق ده بسكينة اللودر ثم واشوف هملاه علي كام سكينه عشان احقق ال ٠.٤ متر مكعب رمل
يعني مثلا لو اتملا ب ٣.٥ سكينة يعني كده في القلبة الواحدة هحتاج نص سكينة رمل (٣.٥/٧=٠.٥)
طب بالنسبة للسن؟
السن ضعف الرمل ثم يعني لو انا محتاج نص سكينه ثم رمل هحتاج سكينه كاملة سن
وبكده انت هتبقا عرفت كل حاجه علي الخلاطه النحلة ثم وهبقا واقف فاهم وعارف المقادير الي بيعبيها في القلبه او الخلطة الواحدة مع مراعاة ان زمن خلط القلبة الواحد لا يقل عن ١٠ ثواني لضمان تجانس المكونات .
هل ممكن المقاول يسرقني وانا بصب بخلاطة نحلة ؟ وازاى ميحصلش كده؟
