كيفية تنفيذ نجارة الاسقف واستلامها , نـجـارة الاسـقـف ,تـنـفـيـذ نـجـارة الـسـقـف ,مـنـسـوب الـعرق ,كيفية تنفيذ الشيرب لنجارة الاسقف ,استلام نجارة الاسقف ,كيفية تنفيذ نجارة الكمرات , كيفية تـهـبـيـط بـلاطـة الـحـمـام
نـجـارة الاسـقـف
- اول حاجة لازم اعرفها ان تقوية نجارة السقف لو مش معمولة كويس ومش متقوية كويس هيحصلي بسببها خسائر مادية
وخسائر في الارواح وعشان كدة بنهتم جداً بنجارة الاسقف.
نـجـارة الاسـقـف الـكـمـريـة
- البلاطات الـ Solid تنفيذها اصعب من تنفيذ البلاطات الـ Flat – ليه ؟ – بسبب وجود الكمرات وعشان كدة هلاقي المقاول عايز يقنعني بالبلاطات الـ Flat بدل الـ Solid عشان يسهل الدنيا على نفسه في الشغل.
- تخانات الاسقف الـ Solid تتراوح بين 10 و 20 سم.
- السقف الـ Solid من الناحية االنشائية اقوى بكتير من السقف الـ Flat.
- بفتح اللوحة قبل التنفيذ واشوف شوية حاجات زي ابعاد الكمرات واماكنها وتخانات البالطات وأماكن الفراغات ” اللي في
الغالب بتكون فراغات مناور او اسانسيرات ” واشوف فين البلاطات المتهبطة ويُفضل مطابقة اللوح الانشائية للسقف مع
اللوح المعمارية عشان لو كان عندي عدم تطابق اخد بالي منه قبل ما ابدأ تنفيذ.
انتقل الى الصفحة الرئيسية الخاصة بنا اضغط هنا
تـنـفـيـذ نـجـارة الـسـقـف
- النجار بيمسك باكية باكية واللي هيعمله في باكية
هيكرره مع الباقي وأول حاجة بيعملها النجار انه يبص
على اللوحات ويشوف أماكن تواجد الكمرات ويحدد
باكية هيشتغل عليها ويبتدي يبعد مسافة معينة حوالي
10 او 20 سم عن الكمرات ويبدأ يرص العروق بحيث
تكون المسافات بين العروق تتراوح بين 70سم و
80سم في البلاطات الـ Solid وبتوصل لـ 50سم و
60سم في البلاطات المسطحة ومش بيحط عروق تحت
الكمرات ، النجار بيعمل العروق على الاحرف الاول
ويوصل بينهم بالواح لتزانة ” برندات ” ويستنتج أماكن
العروق الوسطية بعد ما يوصل بين الالواح اللي على
الاحرف بالالواح اللتزانة ” البرندات ” والبرندات دي
بتكون في اتجاه X واتجاه Y وبتكون على ارتفاع حوالي
2م بحيث يسمحلي بالحركة تحت السقف من غير ما
يكون عائق بالنسبالي.
- بعد ما النجار رص العروق وعمل اول شبكة برندات على ارتفاع 2م دلوقتي عايز يعمل شبكة برندات علوية عند العروق
من فوق لكن المرة دي شبكة البرندات العلوية دي ليها ُمسمى تاني وكمان لازم احسب المنسوب اللي هحط عليه الشبكة
العلوية للبرندات. - شبكة البرندات العلوية بتتكون من لوحين لتزانة فوق بعض ” عَرق وحماالت “.
- بعد الحمالات والعَرقات بنحط عليهم الواح لتزانة على بطنها اسمها ” تطبيق ” والتطبيق ده هو اللي بيتصب عليه السقف.
انتقل الى الصفحة الرئيسية الخاصة بنا اضغط هنا
مـنـسـوب الـعرق
- لو عندي دور متكرر ارتفاعه الصافي من الخرسانة اللي انا واقف عليها لحد الخرسانة اللي انا شايفها فوق دماغي 2.80م
لو المبنى كان سكني مثالً عايز اعرف ارتفاع العَرق قد ايه وهمسك االرتفاع الصافي ” 2.80م ” واطرح منه سمك التطبيق
2.5سم يعني هيبقى 2.775سم. - بعد ما النجار عرف منسوب العَرق بينفذ اول َعرق وآخر َعرق ويشد بينهم خيط ويوزن باقي العَرقات باستخدام الخيط
ويعملهم في نفس المنسوب.
سؤال مهم / ازاي ننفذ العَرق على المنسوب المطلوب ؟؟ - دلوقتي انا بكون واقف على أرضية دور معين وبنفذ السقف اللي فوق دماغي فبيكون عندي عروق مرتكزة ع األرضية
ومتشال عليها السقف اللي فوق دماغي ” نجارة السقف تحديداً ” ف الهدف دلوقتي اني أوصل لـ إني احصل على شيرب على اى عرق من العروق اللى عندي بحيث يكون الشيرب معلوم المنسوب فهقوم طالع من الشيرب اللي وصلتله ده مسافة معينة بالشريط لحد ما أوصل لمنسوب العرق - عشان احصل على الشيرب ده عندي طريقتين
كيفية تنفيذ الشيرب لنجارة الاسقف
الـطـريـقـة الاولـى ” لـو شـغـال شـغـل كـبـيـر فـي مـكـان نـضـيـف ” -:
- هقف على أرضية الدور بتاعي وليكن الدور التاسع واكون عارف منسوب أرضية الدور ده كام وليكن كان 29.00 واروح
منزل شريط قياس من الدور ده وانا واقف ع األرضية لحد ما حلقة الشريط بتاعته تبقى عند الصفر المعماري واالقي قراية
الشريط في ايدي اكبر من منسوب الدور بـ 1م او 1.5م على حسب مانا عايز وهفترض اني عايز الشيرب على ارتفاع 1م
من أرضية الدور يبقى هالقي قراية الشريط في ايدي = 30م أقوم عامل عالمة على أي لوح في الدور عند االرتفاع 30م ده
من الصفر المعماري وكدة انا عملت شيرب على ارتفاع 1م من أرضية الدور اللي انا واقف عليه – ولكن حصلت عليه من
الصفر المعماري ومقيستهوش بالشريط من أرضية الدور – بعد ما حصلت على الشيرب ده اللي على ارتفاع 1م من أرضية
الدور وانا عارف المسافة بينه وبين منسوب العَرق قد ايه اقدر أوصل لمنسوب العَرق بالظبط.
ملحوظة -: بعد ما حصلت على الشيرب وعملت عالمة على ِعرق معين بتعبر عن منسوب الشيرب ده بشوف الباكية اللي
عايز اشتغل عليها وانقل منسوب الشيرب على عروق الـ Corner بتاعت الباكية دي واطلع المسافة المعينة بالشريط لحد
منسوب العَرق وانفذ اول َعرق وآخر َعرق واشد بينهم خيط اوزن منه باقي العرقات وبعد ما اخلص الباكية دي اروح اكرر
نفس الكالم مع الباكية اللي بعدها.
كيفية تنفيذ نجارة الاسقف واستلامها
الـطـريـقـة الـتـانـيـة ” الـبـلـدي ” -:
- بدل ما حصلت على الشيرب من منسوب الصفر المعماري هحصل عليه عن طريق إني اقيس 1م وال 1.5م بالشريط من
أرضية الدور واعمل عالمة على ال ِعرق وخالص كدة انا حصلت على الشيرب انقله للباكية اللي انا عايز اشتغل عليها عادي.
ملحوظة -: علشان احصل على نتايج كويسة وشغل نضيف من الطريقة دي مش بقعد اروح لكل ِعرق وامسك الشريط واقيس
من األرض 1م وال 1.5م واعلم على ِعرق ِعرق ولكن بقيس المسافة دي لِعرق واحد بس واعمل عليه شيرب وانقل الشيرب
ده بميزان الخرطوم لباقي العروق ، طيب ليه بعمل كدة ؟؟ - ألني لو قعدت اروح لكل عرق واقيس من األرض 1م وال 1.5م واعمل عالمة على كل ِعرق وكانت الارضية اللي انا
واقف عليها مش مستوية – وهي فعلا مش بتكون مستوية – يبقى هلاقي العالمات اللي عملتها كلها مش في مستوى افقي
واحد. - كدة انا عرفت ازاي بنفذ المنسوب بتاع العرقات لو كنت هقف مع النجارين يشتغلوا ، عايز بقى استلم نجارة السقف بعد ما
النجار يعمل التطبيق.
للمزيد من المقالات الهندسية انتقل الى صفحة المدونةاضغط هنا
استلام نجارة الاسقف
هقف تحت السقف عند الباكية اللي جنب السلم على طول واسأل النجار فين الـ 4 شيربات الموجودين على عروق الزوايا
بتاعت الباكية دي هيشاورلي عليهم واسأله عاملهم على ارتفاع كام من األرضية بتاعت الدور هيقولي واتأكد ان اللي قاله ده
مظبوط وبعد كدة استلم افقية الـ 4 شيربات مع بعض بميزان الخرطوم بعد كدة هقيس المسافة بالشريط من الشرب لمنسوب
العرق اللي هو بطنية التطبيق واتأكد ان هي دي المسافة اللي انا عايزها ، كدة تم استلام الباكية دي من تحت ” يُفضل الباكية
اللي جنب السلم “.
كيفية تنفيذ نجارة الاسقف واستلامها
ثم بعد ما استلمت الباكية اللي جنب السلم دي من تحت هطلع اقف بميزان القامة فوق الباكية دي واحط القامة ع التطبيق بتاع
الباكية دي واشوف القراية كام و لو السقف كله منسوب واحد يبقى لازم اقرأ نفس القراية دي لما احط القامة عند أي مكان ع
السقف ولو عندي تخانات السقف متغيرة هيكون عندي 3 احتماالت -:
-1 إما بستلم منسوب تطبيق بلاطة لها نفس سمك البلاطة اللي انا واقف عليها وساعتها يبقى لازم الميزان يقرا نفس القراية
اللي قراها وانا واقف بالقامة ع الباكية اللي جنب السلم دي.
-2 إني بستلم منسوب تطبيق بالطة سمكها اكبر من البلاطة اللي انا واقف عليها بالميزان وساعتها يبقى انا عايز الاقي
الميزان بيقرا رقم اكبر من القراية اللي خدتها ع القامة لما كانت محطوطة ع البالطة اللي الميزان واقف عليها – ليه اكبر ؟؟ –
لان لما سمك البلاطة زاد يبقى ده معناه اني ههبط النجارة.
3 إني بستلم منسوب تطبيق بلاطة ُسمكها اقل من منسوب البلاطة اللي الميزان واقف عليها يبقى في الحالة دي لازم الاقي
الميزان قرأ قراية اقل من اللي قراها ع القامة لما كانت محطوطة على الباكية اللي الميزان واقف عليها – ليه اقل ؟؟ – ألن لما
ُسمك البلاطة قل يبقى هرفع النجارة.
سؤال مهم / عرفت ازاي بنفذ َعرق السقف وازاي بنحسب منسوبه وازاي بنستلمه ، عايز دلوقتي انفذ َعرق الكمرة واعرف ازاي بحسب منسوبه ؟
للمزيد من المقالات الهندسية انتقل الى صفحة المدونةاضغط هنا
كيفية تنفيذ نجارة الكمرات
- ثم انا في اول شغلي في السقف خليت النجار وهو شغال في باكية معينة اول ما بدأ فيها بعد 20 ولا 30 سم عن الكمرات علشان يرص العروق معنى
كدة اني هالقي صفين عروق على يمين وشمال
المكان اللي المفروض احط فيه الكمرة ، هاجي على
كل ِعرقين قصاد بعض واحط لوح لتزانة ” قطعة
لتزانة ” ، قطعة اللتزانة دي بيكون اتجاهها عمودي
على محور الكمر واسمها عَرق الكمرة ووظيفته انه
بيتحط عليه نجارة قاع الكمرة.
سؤال مهم / بحسب منسوب َعرق الكمرة ازاي ؟
- منسوب عرق الكمرة = منسوب عَرق السقف – سقوط الكمرة.
- ثم بيكون عندي معطى ابعاد الكمرة ( t x b ) حيث t هو عمق الكمرة وانا مش عايز العمق ، انا محتاج اعرف السقوط ( d) والسقوط بيساوي عمق الكمرة ( t ) مطروح منها تخانة السقف ( ts) .
سقوط الكمرة ) d = ) عمق الكمرة ( t ) – تخانة السقف ( ts) .
لتحميل الكتب الهندسية انتقل الى المكتبة الهندسية الشاملة الخاصة بنا اضغط هنا
تـهـبـيـط بـلاطـة الـحـمـام
- ثم بلاطة الحمام بيكون منسوبها اقل من منسوب السقف بـ 10سم واحياناً 6سم على حسب ما مكتوبلي في اللوحة وفي الغالب
بتكون 10سم ولو مش مكتوبلي في اللوحة هعملها 10سم ، وعلشان اهبط بلاطة الحمام محتاج اهبط نجارتها عن نجارة
البلاطات المجاورة ليها.
سؤال مهم / ههبط نجارة الحمام قد ايه ؟ - تهبيط نجارة الحمام = ) قيمة التهبيط اللي المصمم طالبه + تخانة بالطة الحمام ( – تخانة البلاطة المجاورة لبالطة
الحمام.
مثال -: لو عندنا تخانة بلاطة الحمام 10سم وتخانة البالطة المجاورة 15سم ومطلوب نعمل تهبيط 10سم ، يبقى تهبيط نجارة الحمام كام ؟
تهبيط نجارة الحمام = ( 10 + 10 ) – 15 = 5سم.
لتحميل الكتب الهندسية انتقل الى المكتبة الهندسية الشاملة الخاصة بنا اضغط هنا