How to Design كيف تصمم , كيف تفكر بعقل هندسي ,ما الملاحظات الواجب معرفتها قبل التصميم , ابدا تصميم منين وازاى , اضمن التصميم الصحيح بكل الجهات ,لتحميل كتاب حل و تصميم المنشات المرتفعة (الابراج) باستخدام الايتابس
value Of Engineering
مبدأيا حتي تعرف تصميم المنشا لازم تعرف مما يتكون ؟
Construction element عناصر او مكونات المنشأ
لقراءة المزيد من المواضيع المشابهة اضغط هنا
هنبدأ من الاسفل للاعلي .Down to up حتي نفهم الاحمال جات ازاي وهحاول اتكلم باللغه العاميه قدر الامكان
لو تخيلنا بيت او برج سكني او اي منشأ خرساني امامنا هنلاقي الاتي :
تربه يستند عليها المنشأ Soil .. ثم سواء مغروس فيها خوازيق Piles لو كان قاعده المنشأ لبشه علي خوازيق Raft on Piles … مثلا .. وبخلاف نوع التربه ايضا سواء كانت رمليه ..طينيه ..صخريه ..الخ وكيفيه التعامل معها .▪بعد وجود الطبقه الصالحه للتأسيس عليها الي هيا التربه ..هنلاقي بعد كده القواعد Footings او ممكن تسميها رجل المبني ..Legs Of Construction والرجل دي بتختلف من مبني لاخر حسب حاجات هنعرفها دلوقتي ان شاء الله
انواع القواعد
قواعد سطحيه Shallow Foundations ودي زي
القواعد المنفصله Isolated Footings والقواعد المشتركه Combined Footings والشريطيه Strip Footing واللبشه Raft
قواعد عميقه Deep Foundations ودي زي الخوازيق Piles .
يبقي المفروض اصمم القواعد دي من ابعاد وسمك نتيجه الاحمال الواقعه عليها .
الاعمدة
نيجي بعد كده للاعمده Columns ولو بصينا للعمود فهنلاقي منه اعمده قصيره Short واعمده طويله Long
ويتميز العمود القصير عن الطويل قي مقاومته للانبعاج Buckling والعمود ممكن يكون مقيد Braced وغير مقيد Unbraced ودا هنعرفه في بوست منفصل عن الاعمده تصميما وتنفيذا ان شاء الله .
الكمرات
▪طبعا عندنا الكمراتBeams بنوعيها سواء ارضيه Ground Beams تحت مسمي السملات والميد والشدادات او فوقيه Normal Beams, الكمرات المعروفه ..
الاسقف , البلاطات
بعد كده عندنا السقف Slab طبعا باختلاف انواع الاسقف فلو حبينا نحصرهم كده :
السقف الكمري Solid Slab
ثم السقف اللاكمري Flat slab
و ثم السقف المعصب Ribbed or Hollow block slab
سقف الكمرات Panelled Beams Slab وطبعا الجديربالذكر ان المسافه بين الكمرات ممكن تكون سقف كمري او سقف معصب .
بعد كده عندنا السطح Roof والدروه Parapet الموجوده كحائط داير ما يدور ..وهنتكلم عن الاحمال المؤثره علي السطح ..
Loads affect on costruction elemnts الاحمال المؤثره علي عناصر المنشأ
ركز معايا كده عشان نحاول نوصل سواء باذن الله ان انا بصمم ايه في المبني ..
مبدأيا كده لو بدأنا برضه من الاسفل للاعلي ..هنيجي للتربه ففكر كده ايه الاحمال الموجوده علي التربه في الحاله دي ؟
مثال بسيط او تجربه علميه Science Experiment
ثم انت كشخص جرب الوقوف علي طبقه متصلده من العجين .و مثلا طبقه اخري من الخرسانه !ماذا تلاحظ؟_بغض النظر عن تأثير او توزيع الاجهادات علي التربه الاصليه .
▪في الطبقه الاولي تلاحظ وجود هبوط علي شكل حذاءك او اقدامك (رجل المبني ها؟ مش بتفكرك بحاجه؟ ) موجود بالطبقه .
▪في الطبقه الثانيه تلاحظ عدم حدوث هبوط او اي شىء وكفاءه الطبقه لحملك .
اجهادات التربة
طيب استفدت ايه ؟
اولا ان التربه الحامله الي هيا الارض او العجين و الخرسانه
ف المثال تتاثر بوزن الجسم القابع او المرتكز اعلاها .. وتتوزع الاجهادات علي التربه ..
ثانيا ان طبيعه التربه يتأثر تأثرا كبيرا بقدرته علي التحمل وتاثير الهبوط Deformation الحاصل فوقه, يعني طبقه العجين غير طبقه الخرسانه .
تمام يبقي كده عرفت التربه ببتأثر بايه ..يبقي المفروض اعرف :
طبيعه التربهNature Of Soil or Sort Of Soil
ثم قدره تحمل التربه Bearing Capacity اي قدره التربه علي حمل الاحمال بأمان .
والاتنين دول بتعرفهم من تقرير التربه Soil Investigation Report عرفت اهميه انك تعمل جسات ؟
احمال القواعد
احمال القواعد Footings Loads طيب بما ان التربه يؤثر عليها وزن المنشأ Construction Weight القواعد بقا ايه الاحمال المؤثره عليها ؟
عشان تستوعب الفكره دي بص لنفسك .. ثم رجليك الاتنين دول شايلين اي او ايه اللي بيأثر عليهم ؟
هتلاقي ان اقدامك حاملين لسيقانك ووزنك ثم وايضا التربه نفسها لها احمال عليهم ؟ طب ازاي ؟
طبقا لقانون الحركه لنيوتن Newton law ” فلكل فعل رد فعل مساو له في المقدار ومضاد له في الاتجاه ” ..بمعني خلينا نرجع لتجربه العجين والخرسانه وحضرتك هتفهم ..
دلوقتي انت شخص اثرت بقوه معينه علي الارض او علي الطبقه الحامله لك زي العجين مثلا فكان الفعل منك ورد الفعل من طبقه العجين ونتيجه عدم توفر الظروف المثاليه كان رد فعلها ضعيف مما ادي لانهيارها Failure وحدوث هبوط مثالي Perfect Deformation
علي العكس تماما في طبقه الخرسانه انت اثرت بفعل ولكن رد الفعل كان مساوي لفعلك وعكسه فتلاشت القوه فاصبحت ساكن علي الارض بدون حدوث هبوط او انهيار . وطبعا رد الفعل دا بتستنجه من شكل الجسم المؤثر علي الطبقه وتوزيع الاحمال.
استفدت ايه ؟
انك لازم تحسب الحمل المؤثر علي القواعد ومنه تطلع ابعاد Length and width القاعده والسمك Thickness
احمال الاعمدة
نيجي بعد كده للعمود Column ايه الاحمال المؤثره عليه ؟
هنلاقي ان العمود عنصر راسي Vertical element وقد يكون مائل inclined في بعض التصميمات بشروط خاصه special specifications هخصصلها موضوع متفصل ان شاء الله .
فالاحمال المؤثره عليه هيا احمال الكمراتBeams والبلاطاتSlabs لانه ببساطه العمود شايل كمرهBeam والكمره شايله وزنها Owen weight و حوائط Walls و سقف slabوكمرات ثانويه Secondary Beams والسقف شايل وزنه Owen Weight و ثم احمال حيه او متحركه Live load واحمال ميته او ساكته Dead Loads وكل دا متشال علي العمود Column وبعدين علي القواعد Footings واخيرا للتربه Soil .
يبقي يهمني اعرف ايه ؟
ابعاد العامود Dimension
تسليحه Reinforcement
طيب العامود كمان بيأثر عليه احمال افقيه Horizontal loads او نسميها جانبيه Lateral loads زي ايه؟
مثلا زي احمال الزلازل Earthquake Loads
واحمال الرياح Wind Loads
فلازم نخلي بالنا ونحط دا في الاعتبار
كمان العمود بياثر عليه Moment and Normal stresses فلازم نحط دا في الاعتبار وهذكرهم تفصيلا ان شاء الله في بوست خاص للاعمده .
احمال الكمرات
طيب عرفنا الكمرات شايله ايه يبقي برضه يهمني ف الكمره اعرف الاتي :
الابعاد Dimension من عرض الكمره وThickness
تسليح الكمره Reinforcement.
نيجي بعد كده للسقف ..slab عرفنا الاحمال المؤثره عليه وزنه واحمال متحركه و ثم احمال غير متحركه ..والجدير بالذكر انه صادف في مشروع تخرجي تصميم مبني مكون من 30دور متعدد الاستخدامات بمعني اداري سكني تجاري والنظم الانشائيه
لتحميل كتاب حل و تصميم المنشات المرتفعة (الابراج) باستخدام الايتابس اضغط هنا
وكان السقف موجود عليه مهبط للطائرات Helipad ولمن لايعرف ان احمال الطائرات خطيره جدا علي المبني فيجب دراستها بدقه علي سبيل المثال يجب معرفه الاتي :
وزن الطائره محمله
وزن الطائره فارغه
ثم تاثير القوي الدفعيه للطائره عند اقلاعها .
تأثير القوي الدفعيه للطائره عند هبوطها .
يبقي المفروض اعرفه للسقف ؟
سمك السقف Thickness
تسليح السقف Reinforcement
لكم الشكر والتقدير
بالتوفيق ❤️