Hollow Blocks ,كل مايخص البلاطة الهوردي , الفرق بينها وبين البلاطة المصمتة والبلاطة اللاكمرية , كيفية تسليح البلاطة الهوردي ,التنفيذ الصحيح ومكان الوصلات , تحميل كتاب تصميم البلاطة الهوردي
لو هنيجي نتكلم عن الهولوبلوك سلاب من حيث مقارنتها مع البلاطات الكمريه solid slab والبلاطات اللاكمريه flat slab فهنقول :
من حيث بحر البلاطه span فهو اكبر من بحر الفلات واكبر من بحر السوليد ..
من حيث التكلفه فالهولوبلوك اكثر تكلفه من الفلات سلاب والسوليد سلاب.
لقراءة المزيد من المعلومات المشابهة اضغط هنا
طيب ليه انا بستخدم الHollowBlock
لان في المساحات الكبيره بتكون قوي الترخيم Deflection علي البلاطه كبيره وبتغلب علي الموضوع دا بزياده سمك البلاطه ts وبالتالي زياده في الوزن weight وبالتالي زياده في العزم moment وبالتالي زياده في التكلفهcost وبالتالي كده هيتخرب بيت المالك فعشان كده بنحتاج نظام سمك بلاطته كبيره وخفيف الوزن عشان العزوم وبالتالي تقليل التكلفه .
لو عاوزين نعرف يعني ايه اصلا Hollow Block slab system فهنقول :
هو سقف خفيف الوزن .. حيث يتم صب جزء من السقف واخر يترك مفرغ عن طريق اني بحط فيه Block مفرغ عشان المناطق الموجود فيها البلوك دا متتصبش وتترك مفرغه وبتكون من :
الاسمنت المستخدم او الطوب الاحمر .. ولكن :
بسبب ثقل وزن بلوكات الطوب الاحمر والاسمنت تم الاستعاضه عنهم باستخدام الفوم نظرا لانه خفيف الوزن وبيأديلي نفس الغرض وهو شغل حيز او مساحه في البلاطه حتي لا يتم صبها وتظل مفرغه .
رغم ان الفوم خفيف الوزن وانشائيا ممتاز مشكلته انه لو اتحرق لاقدر الله بينتج منه غاز يعمل علي الاختناق .
مكونات السقف الهوردي
بلوكات مفرغه Hollow Blocks :
عباره عن طوب او فوم يتم انتاجه بواسطه شركات متخصصه وبيكون علي شكل متوازي مستطيلات وقبل كده كان شكلها غير منتظم لان كان الاعتقاد ان البلوكات دي هتقع بعد ما افك الشده الخشبيه بس لما عرفوا انها مبتقعش اتعمل شكله منتظم .
مخدات (كمرات مدفونه ) Hidden Beams :
كمرات مدفونه سمكها بيكون اكبر من سمك الBlock وبيكون لها حديد علوي وحديد سفلي وكانات وبتصل بين عمودين .
وارد جدا تتحمل مخده علي مخده يعني ثانويه علي مخده رئيسيه يعني الحديد السفلي للمخده الثانويه بيكون فوق السفلي للمخده الرئيسيه و ثم الحديد العلوي للمخده الثانويه هيبقي فوق الحديد العلوي للمخده الرئيسيه الي مستنده علي اكبر مساحه من العمود .
أعصاب (كمرات) Ribs :
بتكون كمره رئيسيه Main Beam بعرض 10 او 12.5cm علي حسب التصميم وبتكون في اتجاه واحد One Way او اتجاهين Two way وكانه شنب متعلقه عشان احقق قيمه ال Cover وتسليح كما في الصوره A
وصلات ال Ribs
الحديد السفلي بيرتكز علي المخده .
ثم الحديد العلوي يرتكز في نص البحر at mid span .
السيخ بنستخدمه بكامل طوله في العصب
Solid Part :
◀عباره عن جزء مصمت بيكون جمب الكمرات الساقطه وبيكون ليها مقاس موجود باللوح ولا يتم وضع طوب عليه ودي تسليحه بيكون فيها حديد سفلي وعلوي ومش بيتحط فيها بلوكات .
لتحميل كتاب تصميم البلاطات الهوردي اضغط هنا
ملاحظات مهمه
الهلوبلوك بيوصل ل 10m .
الحوائط هيا اللي بتحكم مكان المخدات.
بنرص الطوب بعد ما نخلص البلوكات
لو مستخدم الفوم لازم اعمل البلوكات الاول عشان الهوا ما يطيرليش الفوم .
في حاله زياده الباكيه عن خمس امتار بنستخدم عصب في وسط الباكيه اسمه X-ribكما في الصوره B
ثم بالنسبه لسقوط الحمام عشان اعمله لازم يكون محاط باربع كمرات والسقوط بيتسلح كبلاطه Simple وحديد الفرش والغطا بيخشوا جوا الكمره مع مراعاه سيخ عدل وسيخ برجل .
تسليح البلاطه نفسها Slab
بدايه البلاطه بيكون سمكها صغير بيكون من 6-10سم
ثم تسليحها شبكه سفليه فرش وغطا .
الفرش بيكون عمودي علي ال Rib والغطا موازي له .
لو عندي ال Ribs ف الاتجاهين يبقي هفرش العصب الصغير الاول وبعدين هحمل عليه الطويل .
Types of HollowBlock Slab , انواع البلاطات الهوردي
One Way Hollow block .
Two Way Hollow block .
Cantilever Hollow block .
اول نوع One way فلو جينا نتكلم عنه هنقول :كما في الصوره D
الاعصاب بتكون في اتجاه واحد وبالتالي الحمل في اتجاه العصب .
يستحسن ان الاعصاب تكون في الاتجاه القصير Sort Direction عشان نحقق الاقتصاديه Economistsعلي اد ما نقدر .
ثم بستخدمها لو ال Lshort >4.5m.زي الصوره المرفقه
تاني نوع Two Way فلو جينا نتكلم عنه هنقول :كما في الصوره E
الاعصاب بتكون في اتجاهين يعني الحمل في اتجاهين .
ثم يفضل في البواكي الشبه مربعه عشان متكنش الاعصاب في اتجاه اقصر من التاني وبالتالي متزدش العزوم وتزيد التكلفه .
بنستخدمها في حاله Span>7m.
تالت نوع Cantilever فلو جبنا نتكلم عنه هنقول :كما في الصوره C
الاعصاب بتكون في الاتجاه القصير .
ثم لازم تكون اعصابه متصله باعصاب بلاطه اخري سواء في اتجاه واحد او اتجاهين .
يفضل استخدامه في حاله زياده طول الكابولي عن مترين .
جزيتم خيرا
شكرا لكم
جزاكم الله خير معلومات قيمة حفظكم الرحمن وحماكم اخوكم م . بشير عيدو بركات من سوريا ادلب مخيمات اطمة مخيم ⛺ اقرأ النموزجي نازح