شروخ المحارة وايه الاسباب وكيفية المعالجة . تحميل كتاب انواع الشروخ وطرق معالجتها
لو بيظهر عندك مشكلة الشروخ أو التنميل بعد مرحلة المحارة وحتى بعد عملة الدهان يبقى ركز معانا شوية
– أولا لازم تعرف أن الشروخ أو التنميل دة ممكن يحصل بسبب اية وبعد كدة نتكلم على معالجتة
الأسباب :
فية أسباب كتير بس ممكن نقول شوية منهم على سبيل الذكر لا الحصر
1- استخدام الجبس فى مرحلة المحارة (لأن الجبس دة حاجة كارثة فى المحارة .. لأن الصنايعى عايز المونة يرميها على الحيطة وتشك وتنجز معاه فى الشغل فبيحط شوية جبس يظبط معاه الأداء لكن المشكلة أن الجبس دة لو شم اى رطوبة بيقرفك انت بعد كدة وبيعمل تنميل صغيرة كدة وساعات بتوصل لشروخ وتعوز انك تعالج دة فيكلفك اكتر . لقراءة المزيد من المعلومات المشابهة اضغط هنا
2- تركيز الإجهادات عند عتبة الشباك والشكل دة اكيد موجود فى معظم البيوت .. والسبب أن مسافة ركوب العتبة داخل الحائط وبعد جنب الشباك بتكون صغيرة فبالتالي الإجهادات اللى العتبة شايلاها بتتركز فى الجزء دة ..
3- اى مكان فية فاصل بين الخرسانة (سواء عمود أو كمرة) وبين طوب الحائط ودة بيحصل لأن الطوب والخرسانة كلا منهم لهم معامل تمدد وانكماش مختلف عن التانى فيؤدي لظهور شروخ أو تنميل.
4- أثناء مرحلة المبانى ممكن تلاقى الصنايعى مش حريف شوية ويعملك كام عرموس فوق بعض أو قريبين من بعض ودة بيكون سبب فى الشروخ أو التنميل بردوا..
شروخ المحارة وايه الاسباب وكيفية المعالجة ,تحميل كتاب انواع الشروخ وطرق معالجتها
معالجة الشروخ
1-حل اول سبب :
ممكن استخدم اى مادة اسمنتية غير قابلة للأنكماش مثلا ممكن مادة اسمها (كونفيس 2 أو كونفيس 2 اف) ودة منتج من شركة CMB ودة على حسب شكل الشروخ اللى عندك أو التنميل .
لتحميل كتاب انواع الشروخ وطرق علاجها اضغط هنا
2-حل تانى سبب :
ممكن بردوا نفس علاج السبب الأول لكن لو هنتكلم على الحل الجزرى . واللى مفروض يتعمل مم البداية وهى أن مسافة الركوب تكون اكتر من 15 سم ولو الشباك كبير أو ارتفاع الحائط كبير فبالتالي الإجهادات هتزيد يبقى لازم مسافة الركوب لا تقل عن ربع بحر فتحة الشباك وهنوضح الكلام دة برسمة هتكون ضمن الصور اللى تحت ..
وحل آخر بردوا انك ممكن تستخدم الشبك اللى هنستخدمة فى حل ثالث سبب .
3-حل ثالث سبب :
علشان نعالج السبب دة كان بيتم استخدام شبك سلك . وبيتم تثبيتة على الفاصل بين العمود مثلا والحائط عن طريق مسامير لكن المشكلة أن الشبك دة بعد فترة بيصدأ . ويترد المونة من علية فأفضل حاجة بتستخدم حاليا وهى الشبك البلاستيك وغالبا لونة بيكون برتقالى . وهيكون من ضمن الصور اللى تحت وخد بالك السلك دة بيتركب بعد الطرطشة..
4-حل رابع سبب :
لو انت لسسة فى مرحلة المبانى . يبقى خلى بالك من النقطة دى كويس جدا . علشان مش تحصل معاك ولو خلاص عملت محارة . وفية شروخ يبقى ممكن تصلح المشكلة بنفس طريقة حل اول سبب .
