تسليح الأعمده الخرسانية

تسليح الأعمده الخرسانية :
‏- Reinforced Concrete Columns :
الأعمدة الخرسانية المسلحة بتصنف لأعمدة قصيرة وهي الأعمدة اللي بتكون نسبة طول العمود إلى أقل بعد في مقطعه لا تزيد عن 10.
وأعمدة طويلة وهي الأعمدة التي تزيد فيها هده النسبة عن 10. لقراءة المزيد من المواضيع المشابهة اضغط هنا

وصف بند الأعمدة في المناقصة : الأعمدة الخرسانية المسلحة

بالمتر المكعب توريد وعمل خرسانة مسلحة للأعمدة بالأبعاد والمناسيب الموضحة على الرسومات التنفيذية ولا يقل محتوى الأسمنت عن 450 كجم/م3 من الخلطة لذلك طبقاً للمواصفات والإجهاد حسب المحدد بالمخططات ولايقل عن 400 كجم/سم2 بعد 28 يوم من تاريخ الصب مع إستخدام أسمنت بورتلاندي عادي و حسب تعليمات المهندس المشرف.

الميل المسموح للعمود بعد الصب :

طبقاً للكود المصري مسموح بميل 5مم لكل 6 متر .

أي أن العمود طول 3 متر مسموح بميل 2.5 مم .

التصميم : “Ultimate”
‏Pu = 0.35FcuAc + 0.67FyAsc
‏Where
‏Fcu = 300kg/cm2
‏Fy = 3600kg/cm2
‏Asc = 0.01Ac

إشتراطات الأعمدة “عملياً وبما يتوافق مع الكود المصري” :

يشترط في العمود الخرساني إذا كان مربع أو مستطيل أن لا يقل أصغر بعد في قطاعه عن 20 سم وبنفس القطر إذا كان عمود دائري، ولكن يفضل أن لا يقل عن 25 سم للأعمدة المستطيلة وبقطر 30 سم للأعمدة الدائرية.

وأن إرتفاعه يزيد عن 5 أمثال البعد الأصغر للقطاع وعرضه الكبير أصغر من أو يساوي 5 عرضه الصغير لو زاد عن كدا يتحول لحائط خرساني. لتحميل كتاب تصميم الاعمدة يدويا اضغط هنا

أنواع الأعمدة :

أعمدة قصيرة آمنة من حدوث الإنبعاج، طولها صغير مقارنة بعرضها.

ثم اعمدة طويلة معرضة للإنبعاج، طولها كبير مقارنة بعرضها.

الاعمدةالمقيدة Braced Columns :
هي أعمدة إذا أثرت عليها قوي جانبية لا يحدث لها تمايل Sway وذلك لأن العمود لن يتحمل قوي أفقية بل يوجد عنصر أكثر جساءة سيتحمل هذه القوي ونقلها للأرض وهذه عناصر تدعيم عبارة عن حوائط خرسانية مستمرة أو كور خرساني بكامل إرتفاع المبني.

أعمدة غير مقيدة Un Braced Columns :
أعمدة إذا أثرت عليها قوي جانبية Lateral Loads يحدث لها إزاحة Sway أي أن العمود مطلوب منه تحمل القوي الأفقية ونقلها للأرض وتكون في حالة عدم وجود حوائط خرسانية أو كور خرساني بالمنشأ.

خطوات تحديد نوع العمود Short or Long :
1- حساب نسبة النحافه Slenderness Ratio
حيث Slenderness Ratio= He/b or t
‏b or t : هو العرض المقاوم لل Buckling
‏He : effective buckling height

وهو طول الإنبعاج الفعال للعمود و يساوي
‏He = K Ho
حيث Ho هو ارتفاع العمود الصافي
وال k هو معامل يعتمد علي النهايه العلويه والسفليه للعمود تبعاً لجدول ملحق بصورة.

2- مقارنه قيم ال slenderness ratio بالقيم المسموح بها: لذلك
‏A\ At case of braced column :
‏For rectangular column : If Slenderness ratio ≤15……. Therefor the column is short.
‏if 15 < slenderness ratio ≤ 30…… therefor the column is long. ‏if Slenderness ratio > 30……. Increase dimension.

‏For circular column : If Slenderness ratio ≤12…… Short.
‏if 12 < Slenderness ratio ≤ 25…… long.

‏B/ At case of unbraced column :
‏for rectangular column : If Slenderness ratio ≤10….. Short.
‏if 10 < Slenderness ratio ≤ 23…… long.

‏for circular column : If Slenderness ratio ≤8……..Short.
‏if 8 < Slenderness ratio ≤ 18……. Long. لذلك
ثم يمكنك تحديد نوع العمود Short or Long عن طريق التطبيق في هذه المعادلات ولكن بعد تحديد إرتفاع العمود مقاساً من وش الأساس أو الكمره.

توزيع الأعمدة :

أسس وأولويات توزيع الأعمدة على المخططات المعمارية هي :

1- تحديد نوع وشكل الأعمدة المطلوبة “مربع ، مستطيل ، دائري” بالتنسيق مع المعماري وبما يتناسب مع تصميم المشروع .

2- لذلك يفضل أن تكون الأعمدة عند تقاطع الجدران ، وبالتالي تقليل الكمرات الثانوية.

3- يجب أن تكون الأعمدة قدر الإمكان على استقامة واحدة وتتبع محور معين لسهولة التنفيذ وتقليل الخطأ في التنفيذ .

4- توجيه الأعمدة في الاتجاه الطويل مع المسافة الطويلة في الكمر بحيث لا يتعارض مع التصميم المعماري ومواقع الأبواب والشبابيك وغيره، وعند الكوابيل يفضل دائماً أن يكون اتجاه العمود الطويل موازي للكابولي لأن الاتجاه الطويل للعمود أكثر جساءة ويقاوم الانبعاج في العمود الناتج من الكابولي أكثر من الاتجاه القصير للعمود .

5- لذلك يفضل عمل عمود في كل ركن من أركان المبنى ، وتقليل الكابوليات في الدور الأرضي قدر الإمكان .

6- يجب أن تكون المسافة بين الأعمدة من ” 3-7 ” متر بحيث تحقق التوازن بين تكلفة المشروع تحت الأرض وفوق

الأرض، أي انه إذا زادت المسافة بين الأعمدة تقل عدد الأعمدة والقواعد وبالتالي تقل التكلفة تحت الأرض ولكن تزيد تكلفة تنفيذ الأسقف لأن الحديد سيزيد عندما تكون المسافات كبيرة ، ولذلك يجب مراعاة التوازن .

7- يجب إحاطة أطراف السلم “الدرج” بأعمدة .

8- عند وجود مصعد يتم عمل جدار مسلح في جهتي المصعد على الأقل ، وإذا كانت الجدران المسلحة للمصعد في طرف المبنى يجب عمل جدران مسلحة في الجهة المقابلة لتحقيق جساءة معقولة في المبنى ، لأن وجود جدران مسلحة في المبنى ترفع جساءة المنطقة الموجودة فيها .

9- لذلك يراعى في توزيع الأعمدة عدم تداخل القواعد المنفصلة قدر الإمكان .

10- يجب أن يتوافق وضع العمود مع كل المخططات المعمارية بحيث لا يظهر داخل غرفة مثلا في أي طابق .

إشتراطات التسليح RFT :

أقل قطر يمكن إستعماله لتسليح الأعمدة هو 12 مم.

اقل عدد للأسياخ في عمود مربع أو مستطيل 4 أسياخ “بحد أقصي عمود 30×30 سم”.

لذلك أقل عدد للأسياخ في العمود الدائري 6 أسياخ.

أكبر مسافة بين سيخين حديد رأسي هي 15سم.

أقل مسافة بين سخين حديد رأسي هي 5 سم.

وصلات الحديد للأعمدة 40∅ حيث ∅ قطر سيخ الحديد المستخدم في تسليح العمود طبقاً للكود المصري بإعتبار العمود معرض لقوي ضغط.

الغطاء الخرساني للأعمدة Cover لايقل عن 2.5 سم.

الكانة الأولي للعمود يتم وضعها علي إرتفاع من 5 : 7 سم من نهاية العمود أو S/2.

تصنيف الأعمدة تبقاً لنسبة H/T=Y
حيث H هو الإرتفاع الصافي للعمود ( clear height column) وT هو عرض العمود في الإتجاه الكبير (width column).
لو Y أقل من أو يساوي (10) يسمي العمود قصير ( short column )
لو Y أكبر من (10) يسمي العمود طويل (long column).

يتم رص أسياخ الحديد الرأسي على المحيط الخارجي فقط للعمود بشكل متماثل.

يمكن إستخدام قطرين مختلفين في تسليح العمود بشرط أن يكونا متتاليين “مثل 12 و16 .. أو 16 و18 مم” ويفضل وضع القطر الأكبر في الأركان ولا يفضل إستعمال قطرين مختلفين لتجنب خطأ التنفيذ.خ

أقل عدد للكانات في المتر الواحد 5 كانات وأقصي عدد للمتر 10 كانات.

أقصي مسافة بين فرعي كانة 30 سم لذلك :
“إذا كانت المسافة بين أسياخ التسليح الرأسية 15 سم فأقل نربط سيخ ونترك سيخ وإذا كانت أكبر من 15 سم نربط كل سيخ”.

أقل قطر يمكن إستعماله للكانات لا يقل عن “8 مم أو 1/4 قطر السيخ الرأسي المستخدم”.

يجب أن يكون حجم الكانات في المتر الطولي أكبر من أو يساوي (0.25/100) من حجم الخرسانة في المتر الطولي ويتم حساب أحجام الكانات والخرسانة كالتالي :

حجم الكانات = مساحة سيخ الكانة x محيط الكانات الداخلية والخارجية x عدد الكانات في المتر الطولي.

حجم الخرسانة = طول العمود * عرض العمود * 1 م “شريحة رأسية بطول 1 م”.

يجب ألا يقل طول أشاير الأعمدة عن 1م أو 40 مرة قطر السيخ أيهما أكبر.

يراعى إستمرار كانات الأعمدة بكامل عددها داخل عمق الكمرات والقواعد.

يراعي عمل كانة بعيون في كل متر من إرتفاع العمود
“عملياً يتم عمل كانة في أول العمود وكانة في آخره وأحياناً يُكتفي بكانة واحدة فقط في إجمالي ارتفاع العمود في المباني الإعتيادية”.

مسافة التكثيف في أول العمود = مسافة التكثيف في آخر العمود.

ثم في حالة وجود كمره ساقطه علي العمود يتم التكثيف من أسفل قاع الكمره و بنفس مسافة التكثيف في حالة عدم وجود كمره.

لذلك يمكن قص العمود في الأدوار العليا وعملياً يتم قص الأعمدة كل دورين بمقدار 5 سم لكل إتجاه وليس كل دور.

إذا زاد القص عن الحدود المسموح بها يمكن أن يحدث Ecc للعمود وفي هذه الحالة يجب تصميمه على M,N.

الأعمدة عناصر ضغط، والحديد بيشيل شد طب فايدة حديد التسليح اللي بيتحط فيه إيه يا بشمهندس؟؟

1- بيساعد في تحمل جزء من أحمال الضغط.
لذلك يتحمل الحديد الرأسي جزء من الحمل الواقع علي العمود، وبالتالي يقل القطاع الخرساني المطلوب لمقاومة الحمل للمعادلة الأتية Pu = 0.35FcuAc + 0.67FyAsc.

2- بيعلي ممطولية الخرسانة.
3- بيقاوم أحمال الرياح والزلازل ( Lateral Loads ).
4- بيحافظ على هيكل العمود، خاصة الأعمدة الدائرية والمربعة.
5- يقاوم العزوم الناتجة عن الإنبعاج في الأعمدة النحيفة ( Buckling ).

6- تحمل العزوم الناتجة عن عدم مركزية الحمل ( Eccentricity ).
7- بيقاوم إجهاد الإنكماش للخرسانة ( Concrete Shrinkage ).
8- بيحافظ علي سوك الأعمدة من الكسر.

كانات وتكثيف وألازن سد وحرق ع الرباط، فايده الكانات في الأعمده إيه يا بشمهندس؟؟

1- تمنع حدوث الإنبعاج للأعمدة Buckling.
2- المحافظة علي شكل العمود.
3- منع حركة الأسياخ الرأسية أثناء الصب.

4- بتقاوم قوي القص في الأعمدة ودي بتكون “مناطق تكثيف للكانات”.
5- تتحمل جزء من القوة الرأسية علي الأعمدة الحلزونية “Spiral Column”.

6- بتشيل جزء من الشد الأفقي الناتج عن الضغط الرأسي.
7- بتقاوم الإنهيار المفاجئ.

إشتراطات كانات الأعمده في الكود المصري :

مسافة تكثيف كانات الأعمده :

يتم تكثيف الكانات في الأعمده في أول وآخر العمود علي مسافه ( L0 ) و بتساوي الأكبر من الثلاث قيم الآتيه :
1- البعد الأكبر لقطاع العمود.
2- ١/٦ الإرتفاع الحر للعمود.
3- ٥٠ سم.

الإرتفاع الحر للعمود هو المسافه اللي العمود حر فيها (يعني المسافه اللي عمود مش مربوط فيها بكمره أو سقف) بالتالي الإرتفاع الحر هيساوي المسافه من ضهر (السقف أو اللبشه أو القواعد) حتي منسوب بطنية السقف اللي العمود شايله وفي حالة وجود كمره ساقطه علي العمود الإرتفاع الحر هيساوي المسافه من ضهر (اللبشه أو القواعد أو السقف) حتي منسوب قاع الكمره.

المسافه بين الكانات في منطقة التكثيف S لا تقل عن القيمة الأقل من :

٢٤ مره قطر الكانه.

٨ أمثال قطر أصغر سيخ طولي.١٥ سم.

١/٢ البعد الأصغر لقطاع العمود.

أول كانه تبدأ بالعمود على مسافه تساوي نصف المسافه S.
وباقي المسافات بين الكانات في مناطق غير التكثيف 2S.

تنفيذ حداده الأعمده :

1- مهم جداً يبقي معاك Shop Drawing لتسليح الأعمده عشان توفق قطعيات السيخ علي حسب المخططات وميكونش عندك هالك في الحديد لإنه سيخ العمود بيكون طوله “الإرتفاع الحُر للعمود + عمق الكمره أو تخانه البلاط في الفلات سلاب + طول الإشاره”.

2- تراجع عدد الأسياخ وعدد الأشاير وإن كل سيخ معاه الإشاره بتاعته اللي طولها مش بيقل عن متر علي الأقل.

3- تراجع علي ألزمه الأسياخ يعني تخلي بالك إن كل سيخ يكون في الأولزوم بتاع الكانه، وأولزوم أحد مصطلحات الموقع وبلغتنا يعني الCorner بتاع الكانه

ولازم كل سيخ يكون في الأولزوم بتاعه لإن في سيخ مربوط وسيخ سايب والمقصود بالسيخ المربوط أو السايب مش فكره إنه مربوط بسلك رباط ولا لأ لكن السيخ المربوط هو السيخ الممسوك بفرعين كانه

زي السيخ اللي في الكورنر أو أي سيخ ممسوك بفرعين كانه عموماً أما السيخ السايب هو الممسوك بفرع كانه واحد

وبيحصل أحياناً في الواقع إن الصنايعي بيخلي السيخ بعيد عن الأولزوم بتاعه ولا بيكون سيخ مربوط ولا حتي سايب لإن الصنايعي ببساطه بيألزم الإشاره اللي طالعه ويخلي السيخ بره وبيكمل بره وده Fatial.

4- ركز علي عدد الكانات في المتر وطبعاً تكثيف الكانات طبقاً للجدول في أول وآخر العمود ومتنساش زياده كانه عشان في كانه بادي.

5- راجع علي تقسيط الكانات يعني المسافه بين كل كانه والتانيه والمفروض إن الصنايعي بيكون مجنط الأسياخ
يعني يكون معلم مكان الكانه فين علي السيخ.

6- راجع علي قفل الكانه يكون تبادلي والمفروض يكون طوله 10 مرات قطر الكانه يعني حوالي 8 سم تقريباً، وغالباً هتلاقيه أقل من كده والسماحيات هنا علي حسب مستوي الشغل اللي إنت فيه.

7- البسكوت ولازم تخلي بالك من موضوع البسكوت عشان تحافظ علي الغطاء الخرساني والأسياخ متترحلش من مكانها أثناء الصب لإنه لو إترحلت إشارات الأعمده في الدور اللي فوق هتقع في مشكله تكسيح الأشاير أو زرع أشاير جديده.

8- راجع علي تكريب الأشاير اللي طالعه لو الأعمده إتقصت عشان في ناس بتكرب من علي وش البلاطه وده غلط المفروض تبدأ التكريب من بدايه رقبه العمود أو علي الأقل من قبل منسوب ظهر البلاطه من تحت يعني عشان تتفادي الميل الكبير وتكون قريب من الكود ميل 1:6 اللي مش سهل إنك تحققه.

إستلام تسليح الأعمده :

1- يتم إستلام حديد تسليح الأعمده من حيث العدد والقطر وعدد الكانات لكل متر طولي طبقاً لجدول تسليح الأعمده ويتم حصر عدد الكانات / المتر الطولي بقياس واحد متر طولي بدءاً من منتصف المسافة بين كانتين وإنتهاء بمنتصف المسافة بين كانتين ثم يتم حصر عدد الكانات المحصورة في تلك المسافة.

2- مراجعة الحديد المستخدم سواء للأعمده المطلوب صبها أو لأشاير الأعمده علي أن تكون خاليه من الصدأ والأكسده.

3- مراجعة وضع بسكوت بلاستيك ويفضل بسكوت أسمنتي لزوم المحافظة على الغطاء الخرساني حول حديد التسليح الطولي أثناء وبعد الصب على أن يتم ربط البسكوت بكانات الأعمدة وليس فى الأسياخ .

4- مراجعة كثافة التربيط بسلك الرباط ويفضل أن يكون رباط سد لضمان عدم تحرك أسياخ التسليح الطولي أو الكانات والتأكد من ربط الأسياخ بأركان الكانات “ألازن الكانات”.

5- مراجعة وضع كانة بعيون بأعلى كل عمود لضمان المحافظة على تباعد وتقسيط أسياخ التسليح الطولي “الرأسي” للأعمده.

6- كانات العمود يجب أن تستمر بمناطق الكمرات والسملات وبنفس عدد أفرعها ولكن بداخل القواعد المسلحة تكون الكانات بفرعين فقط.

7- مراجعة طول أشاير العمود و مكان نهاية الكانات.
8- مراجعة شكل الكانات و قطرها وعددها لكل متر و تقسيطها و التأكد من تكثيف الكانات بأعلى و أسفل العمود إن وجد.

9- مراجعة تربيط الأسياخ جيداً مع الأشاير و تربيط الكانات بشكل جيد .
10- إستلام قيمة Cover الخرساني للأعمدة.