عزل الميمبرين بالكامل بجميع تفاصيله . يعني ايه ميمبرين و ايه استخدامه ؟ كيفية تشوين عزل الميمبرين؟ ما هي الأجرائات اللازمه قبل عمليه عزل الأسطح بلفائف الميمبرين ؟ ما هي الأجرائات اللازمه قبل عمليه عزل الأسطح بلفائف الميمبرين ؟ تحميل كتاب اساسات العزل
عزل الميمبرين مقال شامل و وافي لجميع نقاط عزل الميمبرين . لقراءة المزيد من المواضيع المشابهة اضغط هنا
يعني ايه ميمبرين و ايه استخدامه ؟!
الميمبرين هو عباره عن شرائح بيتومينيه مضغوطه وليها كذه سمك مثل ٣ و ٤ و ٥ مم ويفضل في الاستخدام ال ٤ مم لان ٣ ضعيف شويه و ال ٥
بيبقا غالي نخلي بلنا و احنا بنشتري عشان ميحصلش سرقة لان في سعات تجار بيخلعو الورقة الي مكتوبة علي اللفه و الورقه دي بيكون عليها السمك فممكن يكون السمك ٣ مم و هو غيرها خلاها ٤ مم و السعر هيغلا
و مهندسين كتير بتقع في المشكله دي وبيتنصب عليها ف و انت بتشتري تخلي بالك و تشتري من مكان مضمون و ده برضو بيرجع للمقايسه بتاعت المشروع الشرائح دي ابعدها ١ متر عرض في ١٠ متر طول الشرائح دي في منها العادي و في منها المسلح يعني في حديد مثل البولي استر او الفايبر جلاس من الشركات المنتجه انسومات و جاما و انسوتيك
وباسف و الشراح دي بتتثبت باللهب عن طريقه استخدام البشبوري و دي عباره عن انبوبة خارجه منها خرطوم بيخرج منه نار بتسيح جزي من شرائح الميمبرين و تتثبت في الخرسانه بأستخدام المسطرين نيجي و نرد بقا علي جزئيه اهميه الميمبرين ايه بص يا هندسة بيستخدم لعزل المياه عشان المياه متوصلش للخراسنه ثم الحديد طب بنستخدمه فين بنستخدمه في السطح عشان نتجنب الأمطار و في الدكه الخرسانيه وفي حمامات السباحه .
ملحوظة :- سعر لفه الميمبرين دلوقتي في السوق المصري بتبدأ من ٢٥٠ جنيه علي حسب نوع الشركه و السمك .
من أهم النقاط الي لازم تكون عرفه هي طريقه تشوين عزل الميمبرين ؟!
١- بيتم تشوينه في طبالي خشب .
٢- يتم تشوينه بالطول وليس وضع اللفائف نايمه .
٣- يتم تغطيته بالمشمع .
٤- يحفظ في اماكن بعيده عن حرارة الشمس .
و لو منفذتش كده العزل هيبوظ زي الي في الصورة تحت وده بالفعل صورة مصورها بنفسي من موقع و العزل تم رفضه و اتمنع انو يشتغل بيه لانو باظ و اتقطع .
شرائح الميمبرين ليها وجهين وجهة هو الي بيتسخن و يتسيح و يثبت و وجهه هو الي بمشي عليه وده بيختلف من شركه لشركه فلازم و انا بشتري العزل اقلو انهي وجهه الي هسخنه . عزل الميمبرين بالكامل بجميع تفاصيله . تحميل كتاب اساسات العزل
ما هي الأجرائات اللازمه قبل عمليه عزل الأسطح بلفائف الميمبرين ؟!
١- عمل طبقه لياسه أسمنتيه ( عبارة عن رمل و أسمنت و مياه فقط ) بسمك ٣ سم لتسويه سطح الخرسانه و منع وجود اي بروزات في السطح او وجود سن بارز . لتحميل كتاب اساسيات العزل اضغط هنا
٢- عمل رقبة زجاجه أو شنفر (الوزرة) ودي بتتعمل عند ألتقاء العناصر الرئسيه مع العناصر الأفقيه لان الزاويه بنهم بتكون حاده و بتمثل عندي نقطه ضعف فلازم أخلي الزاويه دي جايه بكرف والي بيعمل رقبه الزجاجه دي هو عامل المحاره وسعات مقاول العزل بيعرف يعملها وبيكون أرتفاع رقبه الزجاجه من ٢٠ ل ٣٠ سم علي حسب مواصفات المشروع و متطلبات الأستشاري .
٣- لازم عشان أحمي رقبه الزجاجه دي من الأمطار و التسريب عندي حلين الحل الأول اني اعمل حاجه اسمها Groove وده عباره عن تجويف داخل الحائط ببيت فيه عزل الميمبرين أو بحط زاويه حديد غير قابله للصدأ و ده كلو عشان امنع ان المياه تتسرب من خلف عزل الميمبرين و النقطه دي مش هتتفهم من الشرح هنا أنزل بص عليها تحت في الصور هتفهم كل حاجه .
٤- عمل طبقه برايمر علي طبقه اللياسه لتثبيت الميمبرين عليها (البرايمر هو عباره عن بيتومين علي البارد مخفف بيتفرد علي السطح بروله) . لازم أتأكد ان عزل الميمبرين مغطي كامل السطح ومفهوش حراميه يعني حتت في السطح متفردش عليها برايمر . مع مراعاة تنظيف السطح بالكامل جيدا قبل عمليه البرايمر و بعدها عند تثبيت لفائف الميمبرين . عزل الميمبرين بالكامل بجميع تفاصيله . تحميل كتاب اساسات العزل
٥- بعد عمل طبقه البرايمر و تنظيف السطح . نقوم بلزق لفائف الميمبرين عن طريق البشبوري و المسطرين واثناء التركيب يمنع استخدام القدم عشان الميمبرين ميتخرمش فخلي العامل دايما يثبت بالمسطرين مش برجله .
6- عمل طبقه حمايه لياسه أسمنتيه بسمك ٣ – ٥ سم . علي حسب المواصفات مضاف اليها اديكريت لتقليل النفاذية. وذلك لحمايه العزل من العوامل الجويه و اشعه الشمس . دلوقتي نيجي لتاني أهم جزئية و هي
كيفية أستلام عزل الميمبرين ؟
١- أستلام وصله الركوب بين شرائح الميمبرين . وهي ١٠ سم وذالك طبقا لمواصفات الكود المصري و لو كانت منطقه الركوب أقل من كده شرحين تحت بالصور هنعمل إيه .
٢- عدم وجود أي تطبيل و بخبخه في عزل الميمبرين يعني أثبت الشريحه بكامل عرضها مش من الاطراف بس و شارين تحت لو لقينا تطبيل او بخبخه هنعلجها اذاي بالصور .
٣- الحلقمه الجيده حولين فتحات الجرجوري . ثم لانها تمثل نقطه ضعف . (الجرجوري هي فتحات صرف مياه الامطار في السح فالمياه كلها بتتجمع عند النقطه دي عشان تتصرف علي مساورة . فلازم اعزل كويس عند النقطه دي لان لو فيها خرم او حاجه المياه هتتسرب و توصل تحت عزل الميمبرين . و ثم يحصل عندي نشع و موضع تحت بالصور الكامله للجزئيه دي .
اختبار الغمر
الهدف من ذالك الاختبار هو معرفه مدي جوده و فاعليه العزل . و يتم الاختبار قبل مرحله عمل طبقه الحمايه ( اللياسه الاسمنتيه ) عن طريق ملئ السطح بالمياه عن طريق ماكينه رفع المياه . بحيث يكون عمق المياه من ١٠ ل ١٥ سم حسب متطلبات الاستشاري
و ثم تترك مده لا تقل عن يومين او اكثر حسب متطلبات الاستشاري . ثم بعد تلك الفتره نلاحظ سقف السطح من اسفل و هل يوجد اي ترسيب للمياه او لا في حاله وجود تسريب يعاد العزل في تلك المنطقه . و اعاده الاختبار مره اخري يراعي قبل عمليه الغمر عمل عتب عند باب السطح ب ارتفاع لا يقل عن ٢٥ سم لحجز المياه و سد فتحات الجرجوري
في حاله الخزانات و حمامات السباحه يتم الكشف عن وجود تسريب بأستخدام الموجات الصوتيه .
ملاحظات هامه :-
١- في حاله عزل حمامات السباحة . او حوائط سانده بالميمريم او البيتومين . يجب حمايه العزل من الرد عشان ميتجرحش او يتخرم وعندي هنا حلين الاول احميه بمباني طوب او شرائح كرتونال . موضحه أسفل بالصور بالتفصيل .
٢- في حالع وجود فاصل تمدد علي السطح يجب أستخدام أكسسوار Metal Flashing . لمنع تسريب المياه داخل فاصل التمدد و موضه أسف شكل الأكسسوار .
