اهم اسئلة انترفيو interview ( الجزء الخامس )
١-ايه هيا طرق عمل عمود الجار عند وجود خوازيق سند؟ لقراءة المزيد من المواضيع المشابهة اضغط هنا
يوجد ثلاث طرق وهم كالاتي:
1-عمل بيت للعمود وهذا هو الحل النموذجي .
2-عمل العامود امام خازوق في البدروم وبعد كده نعمل كابولي للعمود عشان يكون ملاصق للجار في الادوار العليا .
3-عمل العامود فوق الهامه (وهي كمره تربط خوازيق السند عشان يشتغلوا سوا )وهنا حمل العامود بيروح لخوازيق السند عشان كده بنعمل الخوازيق تحته خوازيق ارتكاز .
٢-ازاي بحسب وزن المتر الطولي من السيخ ؟
وزن المتر الطولي من السيخ يساوي مربع قطر هذا السيخ مقسوما علي رقم ثابت 162.
↩فلو قلنا مثلا ماهو وزن المتر الطولي من السيخ ذات القطر 22 اذا نقول وزن المتر الطولي لسيخ 22يساوي(22)^2علي 162=2.986kg
٣-ايه هيا انواع الرسومات المقدمه خلال المشروع ؟
يوجد اربع أنواع من الرسومات :
1- لوحTender Drawings ودي بنسميهاا اللوح المبدأيه فالمشروع عشان بيها ترسي العطاء علي الجهه المقدمه .
2- لوحWorkShop Drawings ودي اللوح الي بيعملها مهندس
المكتب الفني ودي عشان يقدر يخلي مقاولي الباطن يعرفوا يشتغلوا ازاي ..
3- لوحAs Built Drawings ودي الرسومات كما هو منفذ علي ارض الواقع بالفعل .
4- لوحIssued For Construction Drawings
وهي مهمة جدا لأنها تعاقديا بداية المشروع ويجب على المقاول تمحيصها لانه اذا كانت هناك اختلافات عن ال tender drawingsفيجب عليه اخبار الاستشاري والمالك..
↩والجدير بالذكر انه بعد اعتماد الرسومات وختمها بالختم تصبح جاهزه للاستخدام ..
(تنبيه) .اياك ثم اياك ان تستخدم رسومات غير مختوومه يعني مش معتمده ..ودا لانه هيسببلك مشاكل كتيير جداا لان وارد ان في تعديلات كتيىر تمت والي وصلك تعديل منهم ..وتتفاجا بعد كده ان التعديل النهائي المفترض استخدامه انت ما استخدمتهوش فاوعي تستعجل ..
٤-ايه هيا طرق طرح المناقصه؟
طرق طرح المناقصه اما عن طريق النشر الرسمي او الاعلان بالجرائد وفي هذه الحاله يتاح للكل المشاركه او عن طريق الامر بالاسناد المباشر اي شخص او شركه بعينها .
والجدير بالذكر ان المناقصه تمر بعده مراحل :
🔸مرحله النشر والاعلان .
🔹مرحله لجان البت .
🔸مرحله فتح المظاريف .
🔹مرحله ارساء العطاء.
🔸مرحله تنفيذ العقد .
٥-تعرف ايه عن ال Dewatering ؟
هو نظام نزح المياه الجوفيه من التربه ويتم كالاتي :
نفس فكره الحفر لخازوق وبنزل بماسوره بلاستيك مخرمه من الاسفل مسافه متر ..وملفوف حواليها سلك شبك بقلاوة عشان يمنعلي دخول الاتربه وبعدين بنزل بخرطوم بالماسوره والخرطوم دا متصل بماتور سحب Suction بيسحبلي المايه دي برا الموقع وعدين بحفر باستخدام Loader اللودر متر في التربه عشان Ensure اتاكد ان منسوب الميه قل مما كان عليه .
٦-امته تحط حديد القاعده المنفصله علي شكل حرف U او L؟
لو المسافه من وش العامود لنهايه القاعده>Ld يبقي التسليح حرف L
ولو المسافه من وش العامود لنهايه القاعده< Ld يبقي حرف U
_ حيث ان Ld هو طول التماسك هو 60 الفاي او 1m ايهما أكبر طبقا للكود لكن ال 65فاي للامان فقط .
٧-ماهو الطول الامن للعمود عشان ميحصلهوش انبعاج؟
الطول الامن هو 15مره عرض العمود لذلك يعني لو عرض العمود 30 يبقي طوله الامن 4.5m وللتفصيل اكثر بيتم حساب نسبة النحافة للعامود و مقارنتها بالقيم اللى في الكود… ثم لو نسبة النحافة (لمدا) اكبر من10 و اقل من 23 (دا بالنسبة للعامود الUnbraced rectangular كمثال) يبقى العامود عليه Buckling و لازم يتصمم على الانبعاج…لو النسبة اقل من 10 بنعتبره Short و م هيحصله انبعاج… ثم اما لو عايزين نحدد الطول الآمن يبقى هنساوي الرقم الصغير اللى هوا 10 بقانون حساب نسبة النحافة و نجيب العملية بالراجع…نسبة النحافة بتساوي KH/t او KH/b …معانا k من حالة العامود من الجداول…و ثم معانا b او الt المفروضة او اللى ممكن نجيبها كقيم تقريبيية من قانون تصميم الاعمدة و باحسب الH…بس الH هتكون الطول الحر للعامود.
٨-تعرف ايه عن نسب تسليح الاعمده؟
عندي نسبتين للتسليح الMinimum…نسبة للأعمدة الShort و نسبة للأعمدة الLong
للأعمدة الShort النسبة حوالي 0.8/100 من مساحة الخرسانة….اما الاعمدة ال Long ليها قانون في الكود بيعتمد على اكبر قيمة لنسبة النحافة
اما النسليح ال Maximum لانها بتتعرض لعزوم من الاتجاهين
🔸نسبه تسليح العمود الداخلي 4%
🔹نسبه تسليح العمود الجنب 5%
🔸نسبه تسليح العمود الركني 6%
٩-لوعندك عمود 30×155 تسليحه هيبقا ايه ؟
⚛السؤال خاطىء ايها المهندس حيث ان القطاع المذكور 155*30 هو ليس قطاع عمود خرساني وانما قطاع حائط خرساني Shear wall ثم حيث انه اذا زاد طول العمود علي خمس اضعاف عرضه يصبح حائط فمثلا اذا كان عرض العمود 30 اذا خمس اضعاف العرض تساوي 150 وهو اكبر طول لعمود .
١٠-تعرف ايه عن الPost tension ؟
عباره عن Wires بتتحط داخل خرطوم داخل السقف او الكمرات ذات البحور الكبيره (عشان نقلل الDeflection ونقوي ال Resistance )وبعد ما نقوم بصب السقف بتقوم ماكينه مخصصه بشد الWires دي و ثم بتتشد من جانب واحد او جانبين .
🔹الجنب اللي بتتشد منه اسمه Live End.
🔸اما الجنب اللي ما بتتشدش منه اسمه Dead End .
و ثم بعد شد ال Wires دي بيتم ملىء الخراطيم دي بالGroute .
↩ والجدير بالذكر ان ال Live End دي عباره عن كف بدخل فيه ال Wires ليتم شدها لاحقا .
وفي النهايه الحيه او الميته يتم تثبيت خرطوم كهرباء وبيكون ظاهر من الخرسانه بعد الصب عشان أحقن منه الجراوت ولا يتم حقن الجراوت الا بعد شد جميع ال Cables .وللتسهيل اكثر سواء كانت Post tension slab او beam او Raft او حتي Girder..مبدأهم كلهم واحد… ثم اني اجيب قوة خارجية تلاشي قوة الشد الحاصلة في مناطق العزوم و بيتم عمل كدا عن طريق كابلات Tendons بيتم وضعها على حسب شكل العزوم و صب الخرسانة عليها…بعد كدا بيتم شد الكابلات بعد الصب و معالجة الخرسانة و تصلدها بقيم معينة من التصميم…بعد الشد بيتم ارخاء الكابلات فبتتحول قوة الشد لقوة ضغط على الخرسانة و ثم بالتالي بتلاشي قوى الشد الموجودة في الخرسانة نتيجة العزوم .
الموقع الالكتروني ممتاز جدًا 👍
المدونة رائعة جدا اتمنى لكم التوفيق وجزاكم الله خيرا
نحن بحاجة لنصائحكم في معالجة و ترميم المباني التي تضررت بسبب الزلزال الذي حدث في تركيا و سوريا
المدونه رائعة جزاكم الله خيرا على المعلومات القيمة