حصر كميات الحفر , مقال وافي كل جزء من حصر كميات الحفر

حصر كميات الحفر , مقال وافي كل جزء من حصر كميات الحفر , تحميل كتاب انواع التربة

اولا : اعمال الحفر شاملة ايه
للمزيد من المعلومات المشابهة اضغط هنا

مبدأيا بعد أعمال الجسات Soil Investigation وتقرير التربه Soil Report الي بيشمل تدرج طبقات التربه Soil Layers ومنسوب المياه الجوفيه Ground Water Level ووجوده من عدمه وطريقه المعالجه عند وجوده زي نزح الماء Dewatering . ووجود طبقات احلال Soil Replacement layers

لانه بناء علي ذلك يتم اختيار نوع المعده المستخدمه للحفر يعني لما احفر في تربه صخريه Rock Soil غير لما احفر في تربه رمليه Sandy Soil وبيكون عندي سند جوانب للحفر Shoring منعا لتهييل التربه Collapse وحدوث الانهيار Failure

ومعرفة: الروبير وهو نقطه ثابته معلومه المنسوب .
منسوب سطح الارض الطبيعي Ground Level ..ودا الي بنحصل عليه من الميزانيه الشبكيه عن طريق اني باجي كده بميزان القامه واخد لقطات(قراءات) ثم كل مسافه معينه وفي الاخر بجمع القراءات دي وبقسمها علي عددهم .
منسوب سطح الميزان Leveling Surface Level ودا بجيبه عن طريق جمع الروبير مع قراءه القامه .
ثم منسوب التأسيس Formation level ودا الي المفروض اوصله وانا بحفر
حصر كميات الحفر , مقال وافي كل جزء من حصر كميات الحفر

ايه الحاجات الي بفكر فيها في مرحله الحفر Excavation عشان احصرها مظبوط :

طبعا بفكر في المعدات والعماله اللي هتشغل وتقف علي المعدات دي والادوات المستخدمه .
الحفر حسب الابعاد المطلوبه وارنكه (تظبيط) جوانب الحفر .
ازاي هتخلص من ناتج الحفر Disposal لاني ممكن استخدمه لو مطابق للمواصفات كردم .
نظام سند جوانب الحفر Shoring .
نزح المياه الجوفيه زي مقلنا Dewatering .

وحده قياس الحفر :

بنقيس الحفر بوحده المتر المكعب .m3.
يعني استنتج ان حساب تكعيب الحصر عباره عن حجم له طول وعرض وسمك Length x Width x Thickness .دا علي التخصيص او لو كان مسطح الحفر مستطيل .
طيب لوهعمم يبقي هقول :
مكعب الحفر = مسطح الحفر(مساحته) x عمق الحفر .
عمق الحفر دا اللي هو المسافه من اول منسوب سطح الارض لحد قاع الحفر .

طيب نقول مثلا امثله كده :

حفر مثلا لقواعد الاعمده (الIsolated and Combined Footings المنفصله والمشتركه) :

مكعب حفر القاعده = مسطح القاعده العاديهx عمق الحفر
وبحسب مكعب حفر كل قاع وبعدين بجمعهم يديني مكعب الحفر الكلي بالمتر المكعب .كما بالشكل A

حفر لاساسات الحوائط الحامله Bearing walls:

بنقيس أبعاد الحفر بالمتر المكعب بعد ما نحسب أطوال محاور الحوائط وفي طرق اخري زي طرق المكعبات بس هكتفي بطريقه المحاور يعني هنقول :
مكعب الحفر لاساسات الحوائط الحامله =مجموع أطوال محاور الحائط xعرض الحفر x عمق الحفر .كما بالشكل B

حفر اللبشه Raft :

ثم تقاس بالمتر المكعب بيكون عندي طول اللبشه وعرضها وسمكها يعني :
مكعب الحفر للبشه = مسطح اللبشه (المساحه ) x عمق الحفر .

حفر الميدات Ground Beams :

تقاس بالمتر المكعب بيكون عندي طول الميده وعرضها وسمكها يعني :
مكعب حفر الميده =طول حفر الميده x عرضها x عمق الحفر للميده .
بس لازم اعرف كم حاجه كده :
طول حفر الميده من المسافه الصافيه بين القواعد .
عمق حفر الميده هنا يساوي عمق الميده – ارتفاع سطح الميده عن سطح الارض .
◽دا للميدات الي بيزيد عمقها عن ارتفاع سطحها عن سطح الارض . كما بالشكل C

أمثله :

زي الصوره المرفقه مسقط أفقي لاساسات غرفه حارس (نظام الحوائط الحامله) بطريقه المحاور : كما بالشكلD3
ومديني عمق الحفر 1.30m .
عرض الحفر 1m .
لتحميل كتاب انواع التربة اضغط هنا

وعاوز كميه الحفر :
هنقول :
مجموع أطوال المحاور=(2×5.20)+ (3.70×2)= 17.80m
مكعب الحفر = مسطح الحفر x عمق الحفر
مسطح الحفر =مجموع اطوال المحاور x عرض الحفر
مكعب الحفر =17.80x 1×1.30يساوي 23.14m3

زي الصوره المرفقه لمبني هيكلي لمكتب احد مدراء المشاريع مطلوب حساب كميه حفر القواعد :كما بالشكل E1
مديني عمق الحفر لكل القواعد 1.30m .
من الجدول المرفق للوحه الاساسات كما بالشكل F , هنطلع عدد القواعد ونماذج القواعد هنلاقي :
ق١ .. الطول 1.60m العرض 1.40m العدد 2
ق٢..الطول 1.90m العرض 1.60m العدد 5
ق٣ الطول 2.20m العرض 1.80m العدد 2

اذا هنيجي نحسب :
مكعب حفر القاعده ق١ يساوي طول القاعده في عرضها في عمق الحفر يساوي 1.60 في 1.40 في 1.30 يساوي2.912m3
ثم اجمالي مكعب حفر ق١ يساوي عدد النموذج في مكعب حفر النموذج .
يساوي 2 في 2.912يساوي 5.824m3.

مكعب حفر القاعده ق٢ يساوي 1.90في 1.60 في 1.30 يساوي 3.952m3
اجمالي مكعب حفر ق٢ يساوي 5في 3.952يساوي 19.67m3 .

مكعب حفر القاعده ق٣ يساوي 2.20في 1.80في 1.30يساوي 5.148m3.
اجمالي حفر ق٣يساوي 2في 5.148يساوي 10.296

اذا الحفر الاجمالي للقواعد يساوي اجمالي ق١ + اجمالي ق٢+اجمالي ق٣ = 5.824+19.67+10.296=35.88m3

عامه احنا بنحفر الموقع كله بس دا حصر تفصيلي