استلام راسية العمود

استلام راسية العمود , فكرة عمل ميزان الخيط ,نعمل ايه لو العمود مايل والسماحية بتاعة الميل كام ,الطريقة التانية الستلام رأسية العمود ” البلابل ” , ازاي استلم رأسية أعمدة الواجهة باستخدام البلابل ؟

للمزيد من المقالات الهندسية انتقل الى صفحة المدونةاضغط هنا

اول حاجة اعرفها اني مش بستلم رأسية العمود بميزان خالص.
عندنا طريقتين بس الستلام رأسية العمود -:
الطريقة الاولى -: عن طريق ميزان الخيط ولازم الاول اعرف ايه ميزان الخيط ده.
ميزان الخيط عبارة عن -:
-1 بكرة من الخشب او الالومينيوم والالومينيوم افضل من الخشب.
-2 خيط.
3- أسطوانة ” تقل “.
التُقل على شكل أسطوانة ” Cylinder ” والخيط بيمر بمركز البكرة ومعلق التقل من مركزه برضو.

للمزيد من المقالات الهندسية انتقل الى صفحة المدونةاضغط هنا

ملحوظة -: عرض البكرة الزم يكون قد قطر الاسطوانة بالظبط ولازم اتأكد من كدة قبل ما استخدم الميزان لان في نجارين
ساعات لما بكرة الميزان بتبوظ بيحط أي بكرة قديمة كانت معاه في العدة ومش بتكون عرضها قد قطر الاسطوانة.

فــكــرة عــمــل مــيــزان الــخــيــط

التُقل ” الاسطوانة ” اللي موجودة في نهاية الخيط لما بنسيبه حر بيخلي الخيط رأسي تماماً ، لو جيت حطيت الخيط الرأسي ده جنب العمود اللي عايز اوزنه و ثم لقيت ان المسافة بين الخيط والعمود على كامل طول الخيط متساوية يبقى العمود موازي تماما للخيط

ملحوظة -: بنستلم رأسية جنبين متعامدين فقط مش الـ 4 اجناب.
لما بنحط الميزان ع العمود بيكون عندنا 3 احتمالات -:
1- ان العمود رأسي.

انتقل الى الصفحة الرئيسية الخاصة بنا اضغط هنا

2 – ان العمود مايل ناحية الجنب اللي بوزنه.
3- ان العمود مايل في الناحية البعيدة عن الجنب اللي بوزنه.

لما بيكون عندي الاحتمال رقم 2 معنديش مشكلة وبعرف بكل سهولة ان العمود مايل ناحية الجنب اللي بوزنه لكن المشكلة
كلها لما يكون عندي الاحتمال رقم 1 او رقم 3 الن الاتنين في حلاتهم بيكون عندي الاسطوانة لازقة في الجنب ولما بلاقي
الاسطوانة لازقة في الجنب مش هبقى عارف هل العمود رأسي ” الحالة رقم 1 ” وال العمود مايل ناحية برة.
سؤال مهم / طيب لما الاقي الاسطوانة الزقة في الجنب هعمل ايه علشان اعرف هي حالة رقم 1 ولا حالة رقم 3 ؟
لما بلاقي الاسطوانة الزقة في الجنب بحرك البكرة من فوق حاجة بسيطة ، لو لقيت الاسطوانة اتحركت نفس المسافة اللي حركت بيها البكرة يبقى الجنب كان رأسي ” حالة 1 ” ثم لو لقيت اني عمال احرك البكرة والاسطوانة ثابتة مش بتتحرك يبقى العمود مايل لبرة ” حالة 3 “.
سؤال مهم / على فرض ان العمود مايل سواء لبرة او مايل ناحية جوة وانا عايز اعرف مقدار الميل ده قد ايه هعمل ايه ؟

استلام الاعمدة

اولا -: لو العمود مايل ناحية جوة :–

تابعنا على التليجرام اضغط هنا

لما العمود بيكون مايل ناحية جوة بمجرد ما بحط البكرة بالقي ان الاسطوانة بعيدة عن الجنب فبحسب المسافة بين الاسطوانة والجنب ويبقى هو ده مقدار الميل.
ثانياً -: لو العمود مايل ناحية برة :-
قولنا لما العمود بيكون مايل لناحية برة بمجرد ما هحط البكرة هالقي الاسطوانة لازقة في الجنب ، فبنقعد نحرك البكرة لحد ما نلاقي الاسطوانة هبتتدي تتحرك بعيد عن الجنب اشوف في اللحظة دي انا كنت حركت البكرة قد ايه بعيد عن الجنب وتبقى
المسافة بين البكرة وبين الجنب هي مقدار الميل.
الــســمــاحــيــة :-
التفاوت بين الاستقامة الرأسية عبارة عن 3مم لكل 3م للاعمدة الوسطية بحد اقصى 25مم لكل 30م ارتفاع للمبنى اما
أعمدة الواجهة فمش مسموح فيها باي ميل – ليه ؟ – الن أعمدة الواجهة لو مالت هيحصل مصايب في التشطيبات.

انتقل الى منهج هندسة اسكندرية قسم مدني

الطريقة التانية الستلام رأسية العمود ” البلابل “

البلبل عبارة عن ان النجار بيطلع يعلقلي خيط بمسمار عند الحطة العلوية للعمود بحيث يكون الخيط ده بعيد عن النجارة
مسافة معلومة ” هطلع اقيسها ” والخيط ده بيكون نازل منه تقل ، التقل ده ممكن يكون طوبة ولا مسمار حديد كبير او ازازة
من ازايز المياه وفيها رمل والتقل ده يكون اعلى من كعب العمود بمسافة صغيرة بقوم قايس المسافة اللي بين الخيط
والنجارة بتاعت العمود من تحت واقارنها بالمسافة اللي انا طلعت قيستها بين الخيط والنجارة فوق ولو قد بعض يبقى تمام
والعمود كدة رأسي ولو مختلفين يبقى عندي ميل.
لو الجنب كان كبير شوية يبقى ممكن يحتاج بلبلين مش واحد بس.

ثم انتقل الى صفحة اهم الاسئلة الانترفيو للمهندس المدني